ബഹ്റൈനിൽ എൽഎംആർഎ തൊഴിൽ പരിശോധനകൾ ശക്തം
അനധികൃതമായി തൊഴിൽ ചെയ്യുന്ന വിദേശികളെ പിടികൂടാനായുള്ള പരിശോധനകൾ എൽഎംആർഎ തുടരുകയാണ്. സതേൺ ഗവർണറേറ്റ്, മുഹറഖ് ഗവർണറേറ്റ് എന്നിവിടങ്ങളിൽ നാഷനാലിറ്റി, പാസ്പോർട്ട് ആൻഡ് റസിഡന്‍റ്സ് അഫയേഴ്സ് , അഭ്യന്തര മന്ത്രാലയം എന്നിവരുമായി സഹകരിച്ച് നടത്തിയ പരിശോധനയിൽ താമസ വിസ, തൊഴിൽ നിയമങ്ങൾ ലംഘിച്ച നിരവധി പേർ പിടിയിലായതായി എൽഎംആർഎ അധികൃതർ അറിയിച്ചു. പിടികൂടിയവർക്കെതിരെ കർശനമായ നിയമനടപടി സ്വീകരിക്കുമെന്നും ബന്ധപ്പെട്ടവർ അറിയിച്ചു.
