രാജ്യത്തെ സുരക്ഷാ സജ്ജീകരണങ്ങളും സേവനങ്ങളും വിലയിരുത്തി ബഹ്റൈൻ കിരീടാവകാശി
പ്രദീപ് പുറവങ്കര I ബഹ്റൈൻ
മനാമ: ബഹ്റൈനിലെ സുരക്ഷാ സംവിധാനങ്ങളെക്കുറിച്ചും വിവിധ സേവന മേഖലകളിലെ പുരോഗതിയെക്കുറിച്ചും കിരീടാവകാശിയും പ്രധാനമന്ത്രിയുമായ ഹിസ് റോയൽ ഹൈനസ് പ്രിൻസ് സൽമാൻ ബിൻ ഹമദ് അൽ ഖലീഫ വിശദമായ വിലയിരുത്തൽ നടത്തി. രാജ്യത്തെ സുരക്ഷ, ആരോഗ്യം, വാണിജ്യം, മുനിസിപ്പൽ സേവനങ്ങൾ തുടങ്ങിയ മേഖലകളിലെ ഏറ്റവും പുതിയ സംഭവവികാസങ്ങളെക്കുറിച്ച് അദ്ദേഹം ഉന്നതതല ഉദ്യോഗസ്ഥരിൽ നിന്ന് റിപ്പോർട്ട് തേടി.
ഏതൊരു അടിയന്തര സാഹചര്യത്തിലും പൊതുജനങ്ങൾക്ക് നൽകിവരുന്ന സേവനങ്ങൾ തടസ്സമില്ലാതെ തുടരുന്നുണ്ടെന്ന് ഉറപ്പാക്കാൻ അദ്ദേഹം നിർദ്ദേശിച്ചു. എല്ലാ മേഖലകളും ഏറ്റവും ഉയർന്ന കാര്യക്ഷമതയോടെ പ്രവർത്തിക്കുന്നുണ്ടെന്ന് ഉറപ്പുവരുത്താൻ ബന്ധപ്പെട്ട വകുപ്പുകൾ സജ്ജമാണെന്ന് യോഗം വിലയിരുത്തി. പൗരന്മാരുടെയും താമസക്കാരുടെയും ക്ഷേമം മുൻനിർത്തി സേവനങ്ങളുടെ ഗുണനിലവാരവും വേഗതയും നിലനിർത്തുന്നതിൽ വിട്ടുവീഴ്ച പാടില്ലെന്നും അദ്ദേഹം ഊന്നിപ്പറഞ്ഞു.
dfgdg
