മാരുതി സുസുക്കി വിക്ടോറിസിന്റെ പുതിയ പതിപ്പ് വരുന്നു
ശാരിക
ന്യൂഡല്‍ഹി: പ്രമുഖ വാഹന നിര്‍മ്മാതാക്കളായ മാരുതി സുസുക്കി തങ്ങളുടെ പ്രശസ്ത എസ്.യു.വി മോഡലായ വിക്ടോറിസിന്റെ (Victoriz) പുതിയ അപ്‌ഡേറ്റ് മോഡൽ വിപണിയിലിറക്കാൻ ഒരുങ്ങുന്നു. എന്നാൽ ഇത് ടർബോ മോഡലാണോ, ഫ്ലെക്സ് ഫ്യുവൽ പതിപ്പാണോ അതോ ഫെയ്സ്‌ലിഫ്റ്റ് മോഡലാണോ എന്ന കാര്യത്തിൽ കമ്പനി ഇതുവരെ പൂർണ്ണമായ വ്യക്തത വരുത്തിയിട്ടില്ല.
മാരുതി സുസുക്കി വാഗൺ ആറിന്റെ ഫ്ലെക്സ് ഫ്യുവൽ പതിപ്പ് നേരത്തെ തന്നെ വിപണിയിൽ എത്തിച്ചിട്ടുണ്ട്. അതിനാൽ വിക്ടോറിസിന്റെ പുതിയ മോഡൽ ഒരു ഫ്ലെക്സ് ഫ്യുവൽ പതിപ്പോ അല്ലെങ്കിൽ സി.ബി.ജി (Compressed Bio-Gas) മോഡലോ ആകാനാണ് കൂടുതൽ സാധ്യതയെന്നാണ് വാഹനലോകത്തെ നിഗമനങ്ങൾ. സി.ബി.ജി മോഡലുകൾ പ്രോത്സാഹിപ്പിക്കുന്നതിന് മാരുതി മുൻകൈയെടുക്കുന്നതിനാൽ, അത്തരമൊരു പതിപ്പിന്റെ പരീക്ഷണ ഓട്ടവും നടന്നേക്കാം.
നിലവിലുള്ള വിക്ടോറിസ് മിഡ്-സൈസ് എസ്.യു.വിയിൽ 1.5 ലിറ്റർ നാച്ചുറലി ആസ്പിറേറ്റഡ് പെട്രോൾ എൻജിനാണ് ഉപയോഗിക്കുന്നത്. ഇത് 102 ബി.എച്ച്.പി കരുത്തും 139 എൻ.എം ടോർക്കും ഉൽപ്പാദിപ്പിക്കാൻ ശേഷിയുള്ളതാണ്. 10.5 ഇഞ്ച് സെന്റർ സ്‌ക്രീൻ, ഡോൾബി അറ്റ്‌മോസ് ഓഡിയോ സിസ്റ്റം, പനോരമിക് സൺറൂഫ്, ലെവൽ 2 അഡാസ് (ADAS) സുരക്ഷാ സംവിധാനം തുടങ്ങിയ അത്യാധുനിക ഫീച്ചറുകളാണ് ഈ വാഹനത്തിന്റെ പ്രധാന ആകർഷണങ്ങൾ.
dfdsf
