47 വർഷത്തെ പ്രവാസത്തിന് വിട: ടി.പി. അബ്ദുറഹ്മാന് അൽ മന്നായി കമ്മ്യൂണിറ്റീസ് അവേർനെസ്സ് സെന്റർ യാത്രയയപ്പ് നൽകി
പ്രദീപ് പുറവങ്കര
റിഫ: 47 വർഷത്തെ പ്രവാസ ജീവിതം മതിയാക്കി നാട്ടിലേക്ക് മടങ്ങുന്ന ടി.പി. അബ്ദുറഹ്മാന് ബഹ്റൈൻ അൽ മന്നായി കമ്മ്യൂണിറ്റീസ് അവേർനെസ്സ് സെന്റർ (മലയാളം വിഭാഗം) റിഫ യൂണിറ്റ് യാത്രയയപ്പ് നൽകി. അൽ മന്നായി മലയാളം വിഭാഗം ജനറൽ സെക്രട്ടറി എം.എം. രിസാലുദ്ദീൻ അധ്യക്ഷത വഹിച്ച ചടങ്ങിൽ യൂണിറ്റ് സെക്രട്ടറി സമീർ അലി സ്വാഗതം ആശംസിച്ചു.
പ്രവാസകാലത്ത് അബ്ദുറഹ്മാൻ സാഹിബ് ഇസ്ലാഹി പ്രസ്ഥാനത്തിന് നൽകിയ സംഭാവനകളെയും, ഇംഗ്ലീഷ്, അറബി ഭാഷകളിലെ അദ്ദേഹത്തിന്റെ പാണ്ഡിത്യത്തെയും എം.എം. രിസാലുദ്ദീൻ വിശദീകരിച്ചു. കേന്ദ്ര സോഷ്യൽ വെൽഫെയർ സെക്രട്ടറി ഹംസ കെ. ഹമദ് റിഫ യൂണിറ്റിന് വേണ്ടി ടി.പി. അബ്ദുറഹ്മാൻ സാഹിബിന് മൊമന്റോ നൽകി ആദരിച്ചു. ഹംസ കെ. ഹമദ്, കോയ ബേപ്പൂർ, പി.പി. ഹനീഫ, കുഞ്ഞമ്മദ് ഈസ ടൗൺ, അബ്ദുറഹ്മാൻ ഈസ ടൗൺ, നൂർ അടിയലത്ത്, നിസാർ, അബ്ദുൽ അസിസ്, അബ്ദുറഹ്മാൻ, സ്വാലിഹ് അൽ ഹികമി തുടങ്ങിയവർ ആശംസകൾ നേർന്നു സംസാരിച്ചു. മുജീബ് നൂഹ് നന്ദി പറഞ്ഞു.
sdfsfd
