ബഹ്‌റൈൻ ഫാർമേഴ്സ് മാർക്കറ്റിന് ബുദൈയയിൽ തുടക്കം: പ്രാദേശിക ഉൽപ്പന്നങ്ങളുമായി 32 കർഷകർ
പ്രദീപ് പുറവങ്കര
മനാമ: ബഹ്‌റൈൻ ഫാർമേഴ്സ് മാർക്കറ്റിന്റെ പതിമൂന്നാം പതിപ്പ് ദേശീയ കാർഷിക മേഖല വികസന സംരംഭത്തിന്റെ സെക്രട്ടറി ജനറൽ ഷെയ്ഖ മറം ബിൻത് ഈസ അൽ ഖലീഫ ബുദൈയ ബോട്ടാണിക്കൽ ഗാർഡനിൽ വെച്ച് ഉദ്ഘാടനം ചെയ്തു. സന്ദർശകർ, കർഷകർ, വിനോദസഞ്ചാരികൾ, കാർഷിക കാര്യങ്ങളിൽ താൽപ്പര്യമുള്ളവർ എന്നിവരുടെ ശ്രദ്ധേയമായ പങ്കാളിത്തമാണ് ഉദ്ഘാടന ചടങ്ങിൽ ദൃശ്യമായത്. മുനിസിപ്പാലിറ്റീസ് അഫയേഴ്‌സും അഗ്രികൾച്ചർ മന്ത്രാലയവും നാഷണൽ ഇനിഷ്യേറ്റീവ് ഫോർ അഗ്രികൾച്ചറൽ ഡെവലപ്‌മെൻ്റുമായം സഹകരിച്ചാണ് ഈ പരിപാടി സംഘടിപ്പിക്കുന്നത്. 2026 ഫെബ്രുവരി 14 വരെ ഫാർമേഴ്സ് മാർക്കറ്റ് തുടരും. ഈ സീസൺ മുഴുവൻ എല്ലാ ശനിയാഴ്ചയുമാണ് മാർക്കറ്റ് പ്രവർത്തിക്കുക.
പ്രാദേശിക ഉൽപ്പാദനത്തെ പിന്തുണയ്ക്കുന്നതിനും ദേശീയ ഉൽപ്പന്നങ്ങൾ വിപണനം ചെയ്യുന്നതിനായി വലിയ ഇടങ്ങൾ നൽകുന്നതിനും വേണ്ടി, 32 ബഹ്‌റൈൻ കർഷകർ, 7 തേനീച്ച വളർത്തുന്നവർ, 4 ഈന്തപ്പഴ ഉത്പാദകർ, 6 നഴ്സറി ഉടമകൾ, 4 കാർഷിക കമ്പനികൾ എന്നിവരുടെ ഉത്പന്നങ്ങളാണ് ഇവിടെ വിൽപ്പനയ്ക്കായി എത്തിച്ചിരിക്കുന്നത്. ഇതോടൊപ്പം കരകൗശല വിദഗ്ധരുടെ സ്റ്റാളുകൾ, റെസ്റ്റോറന്റുകൾ, കഫേകൾ, ചെറുകിട വാണിജ്യ സംരംഭങ്ങൾ എന്നിവയും സന്ദർശകർക്കായി ഇവിടെ ഒരുക്കിയിട്ടുണ്ട്.
dfgdfg
czc
