തണൽ വാർഷിക പൊതുയോഗം ജനുവരിയിൽ; പുതിയ ഭാരവാഹികളെ തിരഞ്ഞെടുക്കും
തണൽ വാർഷിക പൊതുയോഗം ജനുവരിയിൽ; പുതിയ ഭാരവാഹികളെ തിരഞ്ഞെടുക്കും
പ്രദീപ് പുറവങ്കര
മനാമ: ബഹ്‌റൈനിലെ പ്രമുഖ ജീവകാരുണ്യ സംഘടനയായ 'തണലി'ന്റെ 2026-2028 വർഷത്തേക്കുള്ള പുതിയ ഭാരവാഹികളെ തിരഞ്ഞെടുക്കുന്ന വാർഷിക പൊതുയോഗം ജനുവരി മാസത്തിൽ നടക്കുമെന്ന് ഭാരവാഹികൾ അറിയിച്ചു. പൊതുയോഗ ക്രമീകരണങ്ങൾ ചർച്ച ചെയ്യാനായി ചേർന്ന എക്സിക്യൂട്ടീവ് യോഗത്തിൽ പ്രസിഡന്റ് നജീബ് കടലായി അധ്യക്ഷത വഹിച്ചു. ജനറൽ സെക്രട്ടറി മുജീബ് റഹ്മാൻ സ്വാഗതം ആശംസിച്ചു.
വൃക്ക രോഗങ്ങളും ജീവിതശൈലീ രോഗങ്ങളും അനിയന്ത്രിതമായി വർധിച്ചുവരുന്ന ഈ കാലഘട്ടത്തിൽ 'തണൽ' പോലുള്ള ജീവകാരുണ്യ സംഘടനകളുടെ പ്രസക്തി അനുദിനം വർധിച്ചു വരുന്നതായി യോഗം വിലയിരുത്തി. യോഗത്തിൽ ചീഫ് കോർഡിനേറ്റർ റഷീദ് മാഹി, ട്രഷറർ യു.കെ. ബാലൻ, ഷെബീർ മാഹി, ജമാൽ കുറ്റിക്കാട്ടിൽ, ഫൈസൽ പാട്ടാണ്ടിയിൽ, റഫീഖ് അബ്ദുല്ല, ഷിബു പത്തനംതിട്ട, ഇബ്രാഹിം ഹസ്സൻ പുറക്കാട്ടിരി, സമദ് മുയിപ്പോത്ത് എന്നിവർ സംസാരിച്ചു. കൂടാതെ, വി.പി. ഷംസുദീൻ, ഹുസ്സൈൻ വയനാട്, റംഷാദ് അബ്ദുൽ ഖാദർ, റിയാസ് ആയഞ്ചേരി, അനിൽ കുമാർ, ഫൈസൽ മടപ്പള്ളി, അഷറഫ് തോടന്നൂർ, കെ.സി. ഷെബീർ എന്നിവരും യോഗത്തിൽ സംബന്ധിച്ചു. ശ്രീജിത്ത് കണ്ണൂർ നന്ദി പറഞ്ഞു.
sdfsf
