ട്രാവൽ ഫീൽസ് ആൻഡ് ഫീഡ്‌സ് യാത്രാവിവരണ പുസ്തകം നാളെ പ്രകാശനം ചെയ്യും
പ്രദീപ് പുറവങ്കര
മനാമ: പ്രിയദർശിനി പബ്ലിക്കേഷൻസ് ബഹ്‌റൈൻ ചാപ്റ്റർ പുറത്തിറക്കുന്ന യാത്രാവിവരണ പുസ്തകമായ 'ട്രാവൽ ഫീൽസ് ആൻഡ് ഫീഡ്‌സ്' നാളെ (നവംബർ 8, ശനിയാഴ്ച) പ്രകാശനം ചെയ്യും. ബഹ്‌റൈനിൽ ഒരു പതിറ്റാണ്ടിലേറെ പ്രവാസജീവിതം നയിക്കുന്ന സുനിൽ തോമസ് റാന്നിയുടെ ആദ്യ പുസ്തകമാണിത്. ബഹ്‌റൈൻ കേരളീയ സമാജം ബാബുരാജ് ഹാളിൽ വെച്ച് വൈകിട്ട് 8.30-നാണ് ചടങ്ങ്.
ബി.കെ.എസ് പ്രസിഡന്റ് പി.വി. രാധാകൃഷ്ണപിള്ള പുസ്തകം പ്രകാശനം ചെയ്യും, നിരവധി വിദേശയാത്രകൾ നടത്തിയ യാത്രാപ്രേമി കൂടിയായ അരുൾദാസ് തോമസ് ആദ്യ കോപ്പി സ്വീകരിക്കും. പ്രാദേശിക ടൂറിസം വികസന നിർദ്ദേശങ്ങൾ ചർച്ച ചെയ്യുന്ന ഈ പുസ്തകം പരിചയപ്പെടുത്തുന്നത് ചരിത്രകാരനും ചലച്ചിത്രകാരനുമായ അജിത് നായരാണ്. പ്രിയദർശിനി ബഹ്‌റൈൻ ചാപ്റ്റർ കോർഡിനേറ്റർ സയ്ദ് എം.എസ് അധ്യക്ഷത വഹിക്കുന്ന ചടങ്ങിൽ ബി.കെ.എസ് ജനറൽ സെക്രട്ടറി വർഗീസ് കാരക്കൽ, ഒ.ഐ.സി.സി പ്രസിഡന്റ് ഗഫൂർ ഉണ്ണികുളം, മാധ്യമപ്രവർത്തകൻ പ്രദീപ് പുറവങ്കര എന്നിവരും മറ്റ് സാമൂഹിക സാംസ്‌കാരിക പ്രവർത്തകരും പങ്കെടുക്കും. അക്കാദമി കോർഡിനേറ്റർ ജീസൻ ജോർജ്, പത്തനംതിട്ട ജില്ലാ കോർഡിനേറ്റർ ബിബിൻ മാടത്തേത്ത് തുടങ്ങിയവർ പരിപാടിക്ക് നേതൃത്വം നൽകും. ഏവരുടെയും സാന്നിധ്യവും സഹകരണവും പ്രതീക്ഷിക്കുന്നതായി ബഹ്‌റൈൻ ചാപ്റ്റർ കോർഡിനേറ്റർ സയ്ദ് എം.എസ് അറിയിച്ചു.
assasaasd
