സൗദിയിൽ ആദ്യത്തെ വാർത്താ റേഡിയോ സ്റ്റേഷൻ ആരംഭിക്കുന്നു
സൗദിയിൽ ആദ്യത്തെ വാർത്താ റേഡിയോ സ്റ്റേഷൻ ഇന്ന് ആരംഭിക്കും. ലോക റേഡിയോ ദിനത്തോട് അനുബന്ധിച്ചാണ് “ അൽ ഇഖ്ബാരിയ " റേഡിയോ സ്റ്റേഷൻ ഇന്നു പ്രവർത്തനം ആരംഭിക്കുകയെന്ന് റേഡിയോ ആൻഡ് ടെലിവിഷൻ അതോറിറ്റി അറിയിച്ചു. പ്രാരംഭ പ്രക്ഷേപണം എഫ്എം ഫ്രീക്വൻസിയിൽ മൂന്നു മേഖലകളിലായിട്ടായിരിക്കും. റിയാദ്- 93.00 , ജിദ്ദ - 107.7 , ദമാം-99.00 എന്നിങ്ങനെയാണ് സിഗ്നൽ ഫ്രീക്വൻസി നമ്പറുകൾ. അതിലൂടെ പ്രാദേശിക ഉള്ളടക്കത്തിലും പ്രത്യേക പരിപാടികളിലേക്കും ശ്രദ്ധ കേന്ദ്രീകരിക്കുന്നതിനുള്ള പാത പൂർത്തിയാക്കാനും അതോറിറ്റി ലക്ഷ്യമിടുന്നുണ്ട്.
