റിയാദ് വിമാനത്താവളത്തിന് സമീപം സ്ഫോടനവും തീപിടുത്തവും; മിസൈൽ ആക്രമണമെന്ന് സൂചന
പ്രദീപ് പുറവങ്കര
റിയാദ്: സൗദി തലസ്ഥാനമായ റിയാദിലെ കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെ മിസൈൽ ആക്രമണുണ്ടായതായി സൂചന. വിമാനത്താവളത്തിന് സമീപമുള്ള സൗദി അരാംകോയുടെ ഇന്ധന ടാങ്കിന് തീപിടിച്ചതായും നഗരത്തിന്റെ വിവിധ ഭാഗങ്ങളിൽ ശക്തമായ സ്ഫോടന ശബ്ദം കേട്ടതായും പ്രദേശവാസികൾ വ്യക്തമാക്കി. സംഭവസ്ഥലത്ത് നിന്ന് കറുത്ത പുകയും തീയും ഉയരുന്നതിന്റെ ദൃശ്യങ്ങൾ പുറത്തുവന്നിട്ടുണ്ട്.
തീപിടിത്തത്തെ തുടർന്ന് റിയാദ് വിമാനത്താവളത്തിൽ നിന്നുള്ള വിമാന സർവീസുകളെ ബാധിച്ചതായി വ്യോമ നിരീക്ഷണ വെബ്സൈറ്റായ ഫ്ലൈറ്റ്റഡാർ24 (Flightradar24) റിപ്പോർട്ട് ചെയ്തു. യെമനിൽ സംഘർഷം രൂക്ഷമായതിനെ തുടർന്ന് സൗദി അധികൃതർ വ്യോമാക്രമണ മുന്നറിയിപ്പ് നൽകിയിരുന്നതിന് തൊട്ടുപിന്നാലെയാണ് സ്ഫോടന റിപ്പോർട്ടുകൾ ഉയർന്നത്. എന്നാൽ, സംഭവത്തിൽ സൗദി ഔദ്യോഗിക വൃത്തങ്ങളിൽ നിന്ന് ഇതുവരെ സ്ഥിരീകരണമൊന്നും ലഭ്യമായിട്ടില്ല.
വാർത്ത സംഗ്രഹം (Short Version):
സൗദിയിലെ കിംഗ് ഖാലിദ് അന്താരാഷ്ട്ര വിമാനത്താവളത്തിന് സമീപം മിസൈൽ ആക്രമണവും അരാംകോ ഇന്ധന ടാങ്കിൽ തീപിടിത്തവും ഉണ്ടായതായി സൂചന. സർവീസുകളെ ബാധിച്ചതായി ഫ്ലൈറ്റ്റഡാർ24 വ്യക്തമാക്കി. അധികൃതരിൽ നിന്ന് ഔദ്യോഗിക സ്ഥിരീകരണം വരാനിരിക്കുന്നതേയുള്ളൂ.
ോേ്ോേ്
