എയർ കണ്ടീഷനർ പൊട്ടിത്തെറിച്ച് വിദേശി മരിച്ചു
ജിദ്ദ : സൗദിയിലെ റുവൈസിൽ എയർ കണ്ടീഷനർ പൊട്ടിത്തെറിച്ച് എത്യോപ്യക്കാരൻ മരിച്ചു. എ.സി റിപ്പയറിംഗ് ഷോപ്പിന് മുന്നിലൂടെ നടന്നുപോകുന്നതിനിടെ പൊട്ടിത്തെറിച്ച എയർ കണ്ടീഷനറിന്റെ ഭാഗങ്ങൾ ഇയാളുടെ തലയിൽ തുളച്ച് കയറുകയായിരുന്നു. സംഭവസ്ഥല ത്ത്്വെച്ച് തന്നെ ഇയാൾ മരിച്ചു.
സ്ഫോടനത്തെ കുറിച്ച് ഏകീകൃത കൺട്രോൾ റൂമിൽ വിവരം ലഭിച്ചതിനെ തുടർന്ന് സിവിൽ ഡിഫൻസ് യൂനിറ്റുകൾ കുതിച്ചെത്തി രക്ഷാപ്രവർത്തനം നടത്തി. എ.സി വർക്ക്ഷോപ്പിലെ തൊഴിലാളിയായ ഇന്ത്യക്കാരന് സ്ഫോടനത്തിൽ പരിക്കേറ്റു. ഇയാളുടെ പരിക്ക് സാരമല്ല. ഇന്ത്യക്കാരന് സംഭവസ്ഥലത്തു വെച്ച് റെഡ് ക്രസന്റ് അധികൃതർ പ്രാഥമിക ശുശ്രൂഷകൾ നൽകി.
