യമന് കൈത്താങ്ങായി സൗദി അറേബ്യ; സെൻട്രൽ ബാങ്കിന് വീണ്ടും സാമ്പത്തിക സഹായം
ഷീബ വിജയൻ
റിയാദ്: ആഭ്യന്തര യുദ്ധവും കടുത്ത സാമ്പത്തിക പ്രതിസന്ധിയും നേരിടുന്ന യമനെ സഹായിക്കാൻ വീണ്ടും സാമ്പത്തിക പാക്കേജ് പ്രഖ്യാപിച്ച് സൗദി അറേബ്യ. യമൻ സെൻട്രൽ ബാങ്കിന്റെ പ്രവർത്തനങ്ങൾ സുഗമമാക്കുന്നതിനും രാജ്യത്തിന്റെ ധനകാര്യ സ്ഥിരത ഉറപ്പുവരുത്തുന്നതിനുമായാണ് ഈ സഹായം. സൗദി ഡെവലപ്മെന്റ് ആൻഡ് റീ കൺസ്ട്രക്ഷൻ പ്രോഗ്രാം ഫോർ യമൻ (SDRPY) വഴിയാണ് പദ്ധതി നടപ്പിലാക്കുന്നത്.
തകർന്നടിഞ്ഞ യമൻ സമ്പദ്വ്യവസ്ഥയെ പുനരുജ്ജീവിപ്പിക്കുകയാണ് ഈ സഹായഹസ്തത്തിന്റെ പ്രധാന ലക്ഷ്യം. വിനിമയ നിരക്കിലെ ചാഞ്ചാട്ടം നിയന്ത്രിക്കുക, സർക്കാർ സ്ഥാപനങ്ങളുടെ സുതാര്യതയും പ്രവർത്തനക്ഷമതയും വർദ്ധിപ്പിക്കുക, സ്വകാര്യ മേഖലയെ ശാക്തീകരിച്ച് പുതിയ തൊഴിലവസരങ്ങൾ സൃഷ്ടിക്കുക എന്നിവയാണ് ഈ പാക്കേജിലൂടെ വിഭാവനം ചെയ്യുന്നത്. ഇതിനുപുറമെ വിദ്യാഭ്യാസം, ആരോഗ്യം, ഊർജ്ജം തുടങ്ങിയ അടിസ്ഥാന സൗകര്യ വികസന മേഖലകളിലും സൗദി നിലവിൽ യമനിൽ നിരവധി പദ്ധതികൾ നടപ്പിലാക്കി വരുന്നുണ്ട്. പുതിയ സാമ്പത്തിക സഹായം യമനിലെ ജനങ്ങളുടെ ജീവിതനിലവാരം മെച്ചപ്പെടുത്താൻ സഹായിക്കുമെന്ന് അധികൃതർ വ്യക്തമാക്കി.
dsvdsdsdsds
