കുട്ടികൾക്കും കുടുംബങ്ങൾക്കുമായി പ്രത്യേക ചെക്ക് ഇൻ ഏരിയ: ഫ്ലൈനാസ് സേവനം ജിദ്ദയിലും
ഷീബ വിജയൻ
ജിദ്ദ I ഫ്ലൈനാസ് ജിദ്ദ കിങ് അബ്ദുൽ അസീസ് അന്താരാഷ്ട്ര വിമാനത്താവളത്തിൽ കുട്ടികൾക്കും കുടുംബങ്ങൾക്കുമായി പ്രത്യേക ചെക്ക് ഇൻ ഏരിയക്ക് തുടക്കം കുറിച്ചു. അടുത്തിടെ റിയാദിലെ കിങ് ഖാലിദ് അന്താരാഷ്ട്ര വിമാനത്താവളത്തിൽ ആരംഭിച്ച ഈ സൗകര്യം, രാജ്യത്ത് നടപ്പാക്കുന്ന ആദ്യ വിമാനക്കമ്പനിയാണ് ഫ്ലൈനാസ്. കുട്ടികൾക്കും കുടുംബങ്ങൾക്കും സന്തോഷകരവും ആകർഷകവുമായ യാത്രാനുഭവം നൽകുന്നതിനുള്ള ഫ്ലൈനാസിന്റെ പ്രതിബദ്ധതയാണ് ഈ പുതിയ സംരംഭത്തിലൂടെ വ്യക്തമാകുന്നത്. ശോഭയുള്ള നിറങ്ങളിൽ മനോഹരമായി രൂപകൽപ്പന ചെയ്തിട്ടുള്ള ഈ പുതിയ സേവന കേന്ദ്രങ്ങൾ, കുട്ടികൾക്കും കുടുംബങ്ങൾക്കുമുള്ള ചെക്ക് ഇൻ നടപടികൾ എളുപ്പത്തിലാക്കാനും കാത്തിരിപ്പ് സമയം കുറയ്ക്കാനും ലക്ഷ്യമിടുന്നു.
ക്യാപ്റ്റൻ ഫർനാസ് എന്ന ഫ്ലൈനാസ് മാസ്കോട്ടിന്റെ ചിത്രങ്ങളും വർണ്ണാഭമായ ഫ്ലൈനാസ് ലോഗോയും കൊണ്ട് അലങ്കരിച്ച, കുട്ടികൾക്കായി പ്രത്യേകം രൂപകൽപ്പന ചെയ്ത പ്ലാറ്റ്‌ഫോം ഈ സംരംഭത്തിന്റെ സവിശേഷതയാണ്. കുട്ടികളുടെ സീറ്റുകൾ, സ്ട്രോളറുകൾ, ശിശുക്കളുമായി യാത്ര ചെയ്യുമ്പോൾ ഉണ്ടാകുന്ന അധിക ബാഗേജുകൾ കൈകാര്യം ചെയ്യൽ, കുട്ടികൾക്കായി പ്രത്യേകമായി രൂപകൽപ്പന ചെയ്ത ബോർഡിംഗ് പാസുകൾ നൽകൽ തുടങ്ങിയ സേവനങ്ങളും ഇവിടെ ലഭ്യമാണ്.
ASSASADSADAS
