വാഹനം വാടകയ്ക്ക് നൽകുന്നത് ഇനി എളുപ്പമല്ല ; മാർഗ നിർദേശങ്ങളുമായി മന്ത്രാലയം
റെൻറ് എ കാർ സർവിസിന്റെ സേവനങ്ങൾ മെച്ചപ്പെടുത്തുന്നതിന്റെ ഭാഗമായി ഒമാനിൽ പുതിയ മാർഗനിർദേശങ്ങൾ വരുന്നു. ഒമാൻ വിവര സാങ്കേതികവിദ്യ മന്ത്രാലയം ആണ് ഇതുസംബന്ധിച്ചവിവിരങ്ങൾ പുറത്തിറക്കിയത്. ഇതിമുതൽ റെൻറ് എ കാർ നടത്തുന്ന എല്ലാ സ്ഥാപനങ്ങളും വാഹനങ്ങൾ 'നഖൽ' പ്ലാറ്റ്ഫോമിൽ രജിസ്റ്റർ ചെയ്യണം. ഇതിന് ശേഷം ഒരോ വാഹനത്തിനും കാർഡുകൾ സ്വീകരിക്കുകയും വേണം. കൂടാതെ ഡ്രൈവറുടെ സീറ്റ് അടക്കം എട്ടിൽ കൂടുതൽ സീറ്റുകൾ ഉണ്ടാകരുത്. ഏത് വാഹനം ആണ് വാടകയ്ക്ക് നൽക്കുന്നത് ആ വാഹനത്തിന്റെ മുഴുവൻ വിവിരങ്ങളും ഒമാൻ റോയൽ പോലീസിന് കെെമാറണം.
വാഹനം കൈകാര്യം ചെയ്യാനും കമ്പനി നടത്തിപ്പിനുമായി ആവശ്യമായ ജോലിക്കാരെ നിയമിക്കണം. വാടകയ്ക്ക് നൽക്കുന്ന വാഹനത്തിൽ സാങ്കേതിക വിദ്യയിലുള്ള പുതിയ സംവിധാനങ്ങൾ ഉൾപ്പെടുത്തിയിരിക്കണം. വാഹനം എവിടെയാണ് എന്ന് കണ്ടെത്തുന്നതിന് ആവശ്യമായ ജിപിഎസ് സൗകര്യങ്ങൾ ഒരുക്കിയിരിക്കണം. വാഹനം വാടകയ്ക്ക് നൽക്കുമ്പോൾ വാടക നൽകാൻ ആ വ്യക്തിക്ക് കഴിവ് ഉണ്ടായിരിക്കണം. വാഹനം വാടകയ്ക്ക് വാങ്ങുന്നവർക്ക് ഡ്രൈവിങ് ലൈസൻസ്, ഒമാൻ ഐഡി കാർഡുകൾ എന്നിവ ഉണ്ടായിരിക്കണം. അത് പരിശോധിക്കേണ്ടത് കമ്പനിയുടെ ഉത്തരവാദിത്തം ആണ്.
വാഹനം വാടകക്ക് നൽകുമ്പോൾ കരാർ തയ്യാറാക്കണം. അറബിയിലും ഇംഗ്ലീഷിലും എഴുതിയ കരാർ ആണ് തയ്യാറാക്കേണ്ടത്. കാർ വാടകയ്ക്ക് നൽക്കുന്ന കാര്യത്തിൽ എന്തെങ്കിലും പ്രശ്നം പറ്റിയാൽ അറബി കോപ്പിയിലുള്ള കരാർ ആണ് പരിഗണിക്കുക. കറാർ എഴുതുമ്പോൾ ശ്രദ്ധിക്കേണ്ട കാര്യങ്ങൾ ഇവയാണ്, കാർ വാടകക്കെടുക്കുന്ന വ്യക്തിയുടെ പേര്, പാസ്പോർട്ട് നമ്പർ, ഡ്രൈിവിങ് ലൈസൻസ്, കാലാവധി തീയതി, വാടകനിരക്ക്, കരാൻ അവസാനിക്കുന്ന തിയതി, വാഹനം തിരിച്ചുനൽകേണ്ട സമയം, തിരിച്ച് നൽക്കുമ്പോൾ പാലിക്കേണ്ട നിയമങ്ങൾ എന്നിവ വ്യക്തമായി എഴുതിയിരിക്കണം.
