നാലു വർഷത്തിനുശേഷം റിപ്പോ നിരക്ക് ഉയർത്തി റിസർവ് ബാങ്ക്; വായ്പാ പലിശകൾ വർധിക്കും
ശാരിക
മുംബൈ: നാല് വർഷത്തെ ഇടവേളയ്ക്ക് ശേഷം രാജ്യത്തെ വായ്പാ പലിശ നിരക്കുകൾ ഉയർത്തി റിസർവ് ബാങ്ക് ഓഫ് ഇന്ത്യ. പണപ്പെരുപ്പം നിയന്ത്രിക്കുന്നതിന്റെ ഭാഗമായി റിപ്പോ നിരക്കിൽ 0.25 ശതമാനം വർധന വരുത്തി 5.50 ശതമാനമാക്കിയതായി ആർബിഐ ഗവർണർ സഞ്ജയ് മൽഹോത്ര വാർത്താസമ്മേളനത്തിൽ അറിയിച്ചു. 2023 ഫെബ്രുവരിയിലാണ് ഇതിനുമുമ്പ് റിപ്പോ നിരക്ക് ഉയർത്തി 6.50 ശതമാനമാക്കിയിരുന്നത്. ഇതോടെ ബാങ്ക് വായ്പകളുടെ പലിശ നിരക്കിൽ വർധനയുണ്ടാകും.
നടപ്പ് സാമ്പത്തിക വർഷത്തിൽ രാജ്യത്തിന്റെ സാമ്പത്തിക വളർച്ചാ അനുമാനം 7.1 ശതമാനമായിരിക്കുമെന്ന് ആർബിഐ വ്യക്തമാക്കി. സാമ്പത്തിക വർഷത്തിന്റെ രണ്ടാം പാദത്തിൽ 7.2 ശതമാനവും മൂന്നാം പാദത്തിൽ 6.9 ശതമാനവും നാലാം പാദത്തിൽ 6.8 ശതമാനവും നിരക്കിൽ സമ്പദ്‌വ്യവസ്ഥ വളരുമെന്നാണ് കണക്കാക്കുന്നത്. ഉപഭോക്തൃ വില സൂചിക അടിസ്ഥാനമാക്കിയുള്ള പണപ്പെരുപ്പം ജൂലൈയിലെ 4.5 ശതമാനത്തിൽ നിന്ന് ഓഗസ്റ്റിൽ 4.8 ശതമാനമായി ഉയർന്നിട്ടുണ്ട്. പഞ്ചസാര, ഉള്ളി തുടങ്ങിയ ഭക്ഷ്യവസ്തുക്കളുടെ വിലവർധനവാണ് പണപ്പെരുപ്പം ഉയരാൻ കാരണമായത്.
കേന്ദ്ര ബാങ്ക് വാണിജ്യ ബാങ്കുകൾക്ക് നൽകുന്ന വായ്പകളുടെ പലിശ നിരക്കായ റിപ്പോ ഉയർന്നതോടെ ബാങ്കുകളും വായ്പാ പലിശ കൂട്ടും. ഇത് സാധാരണക്കാർക്കും വ്യാപാരികൾക്കും തിരിച്ചടിയാകുമെങ്കിലും ഫിക്സഡ് പലിശ നിരക്കിലുള്ള വായ്പകളെ ബാധിക്കില്ല. റീപ്പോ അധിഷ്ഠിത വായ്പകൾ, ഫ്ലോട്ടിങ് വായ്പകൾ, പുതിയ വായ്പകൾ എന്നിവയ്ക്കാണ് പലിശ വർധിക്കുക.
േ്ി്േി
