യാത്രാ വിവരങ്ങൾ ഇനി 'സഹേൽ' ആപ്പിൽ; എൻട്രി-എക്സിറ്റ് നോട്ടിഫിക്കേഷൻ സംവിധാനം ആരംഭിച്ച് കുവൈത്ത്
ശാരിക
കുവൈത്ത് സിറ്റി: കുവൈത്തിന്റെ ഏകീകൃത സർക്കാർ സേവന ആപ്ലിക്കേഷനായ 'സഹേൽ' (Sahel) വഴി എൻട്രി, എക്സിറ്റ് നോട്ടിഫിക്കേഷൻ സംവിധാനം ആഭ്യന്തര മന്ത്രാലയം പ്രവർത്തനക്ഷമമാക്കി. ഇതിലൂടെ സ്വദേശികൾക്കും പ്രവാസികൾക്കും തങ്ങളുടെ യാത്രാ വിവരങ്ങൾ ആപ്പിലൂടെ നേരിട്ട് പരിശോധിക്കാൻ സാധിക്കും. രാജ്യത്തേക്കുള്ള പ്രവേശനവും രാജ്യത്ത് നിന്നുള്ള പുറപ്പെടലും സംബന്ധിച്ച നോട്ടിഫിക്കേഷനുകൾ ലഭ്യമാക്കുന്നതിലൂടെ, ഉപയോക്താക്കൾക്ക് തങ്ങളുടെ യാത്രാ രേഖകളുമായി ബന്ധപ്പെട്ട വിവരങ്ങൾ കൂടുതൽ എളുപ്പത്തിൽ അറിയാൻ ഈ പുതിയ സേവനം സഹായിക്കും.
യാത്രാ നടപടിക്രമങ്ങളുമായി നേരിട്ട് ബന്ധപ്പെട്ട സർക്കാർ സേവനങ്ങളും ഉപയോക്താക്കൾക്ക് ഈ ആപ്ലിക്കേഷനിലൂടെ ലഭ്യമാകും. കൂടാതെ, യാത്രാ വിവരങ്ങളിൽ എന്തെങ്കിലും പിശകുകളോ പൊരുത്തക്കേടുകളോ ഉണ്ടെങ്കിൽ അവ റിപ്പോർട്ട് ചെയ്യാനുള്ള സൗകര്യവും ഈ സേവനത്തിലൂടെ സ്വദേശികൾക്കും പ്രവാസികൾക്കും ലഭിക്കും. യാത്രാ സംബന്ധിയായ വിവരങ്ങൾ എളുപ്പത്തിൽ ലഭ്യമാക്കുന്നതിനും ഡിജിറ്റൽ പ്ലാറ്റ്‌ഫോമുകളിലൂടെ സർക്കാർ സേവനങ്ങൾ കൂടുതൽ സൗകര്യപ്രദമാക്കുന്നതിനുമാണ് ഈ പുതിയ സംവിധാനം ലക്ഷ്യമിടുന്നത്.
േ്ിേി്
