എയിംസ് കൊണ്ടുവരാൻ സാധിച്ചില്ലെങ്കിൽ രാഷ്ട്രീയം വിടും: സുരേഷ് ഗോപി എംപി
ഷീബ വിജയൻ
കൊച്ചി: കേരളത്തിൽ എയിംസ് (AIIMS) യാഥാർത്ഥ്യമാക്കാൻ സാധിച്ചില്ലെങ്കിൽ താൻ രാഷ്ട്രീയം വിടുമെന്ന് സുരേഷ് ഗോപി എംപി വ്യക്തമാക്കിയതായി റിപ്പോർട്ട്. എയിംസ് കൊണ്ടുവരാൻ കഴിഞ്ഞില്ലെങ്കിൽ അടുത്ത തവണ താൻ നിങ്ങളോട് വോട്ട് ചോദിച്ചു വരില്ലെന്നും, ഇത്തരത്തിൽ തുറന്നു പറയാൻ ഏത് എംപിയാണ് തയ്യാറാവുകയെന്നും അദ്ദേഹം ചോദിച്ചു. പദ്ധതിക്കായി അനുയോജ്യമായ അഞ്ച് സ്ഥലങ്ങൾ കണ്ടെത്തി കേന്ദ്ര സർക്കാരിനെ അറിയിക്കുകയാണ് അടുത്ത ഘട്ടം. കേരളത്തിൽ എവിടെ വേണമെങ്കിലും സ്ഥലം നൽകാമെന്ന ആരോഗ്യ മന്ത്രി കെ. മുരളീധരന്റെ സമീപനം ഏറെ പോസിറ്റീവ് ആണെന്നും അദ്ദേഹം കൂട്ടിച്ചേർത്തു.
ആലപ്പുഴയും ഇടുക്കിയുമാണ് സംസ്ഥാനത്ത് എയിംസ് വരാൻ ഏറ്റവും അനുയോജ്യമായ സ്ഥലങ്ങൾ. അതോടൊപ്പം, കേരളത്തിൽ നിന്ന് ബിജെപിക്ക് ഏക എംപിയെ സമ്മാനിച്ച തൃശ്ശൂരിനും എയിംസിനായി അവകാശവാദമുണ്ട്. ഔദ്യോഗികമായി കാര്യങ്ങൾ നീക്കിയാൽ അടുത്ത ബജറ്റിന് മുൻപ് തന്നെ കേരളത്തിന് എയിംസ് അനുവദിച്ച് കിട്ടുമെന്നാണ് പ്രതീക്ഷ. മുൻപ് മുഖ്യമന്ത്രി കോഴിക്കോട് മാത്രമേ സ്ഥലം ഉള്ളൂ എന്ന് കടുപ്പിച്ചു പറഞ്ഞതുകൊണ്ടാണ് കേരളത്തിന് എയിംസ് നിഷേധിക്കപ്പെട്ടത്. ഇതോടൊപ്പം, രാജ്യത്തെ ഇന്ധനവില വർദ്ധനവ് നിയന്ത്രിക്കാൻ സംസ്ഥാന സർക്കാർ നികുതി കുറയ്ക്കാൻ തയ്യാറാകണമെന്നും സുരേഷ് ഗോപി ആവശ്യപ്പെട്ടു.
േോ്േോ്േ്േ
