ഗ്രീൻലാൻഡ് സ്വന്തമാക്കണമെന്ന നിലപാടിൽ ഉറച്ച് ട്രംപ്
ശാരിക / വാഷിംഗ്ടൺ
ഗ്രീൻലാൻഡ് യു.എസിന്റെ ഭാഗമാകണമെന്ന ആഗ്രഹം ആവർത്തിച്ച് അമേരിക്കൻ പ്രസിഡന്റ് ഡൊണാൾഡ് ട്രംപ് രംഗത്തെത്തി. ചൈനയോ റഷ്യയോ ഈ ദ്വീപ് കൈക്കലാക്കുന്നതിന് മുൻപ് അമേരിക്ക അത് സ്വന്തമാക്കണമെന്നാണ് ട്രംപിന്റെ വാദം. അവർ അമേരിക്കയുടെ അയൽക്കാരായി വരുന്നത് അനുവദിക്കില്ലെന്നും അദ്ദേഹം വ്യക്തമാക്കി.
നിലവിൽ 1951-ലെ കരാർ പ്രകാരം സൈനിക സാന്നിധ്യം അവിടെയുണ്ടെങ്കിലും, ദ്വീപിന്റെ പൂർണ്ണ സുരക്ഷ ഉറപ്പാക്കാൻ അത് മതിയാകില്ലെന്ന് ട്രംപ് കരുതുന്നു. ഡെൻമാർക്കിന്റെ ഭരണത്തിന് കീഴിലുള്ള സ്വയംഭരണ പ്രദേശമായ ഗ്രീൻലാൻഡിനെ അമേരിക്കയുടെ ഭാഗമാക്കാൻ സൈനിക നടപടിയോ സാമ്പത്തിക പാക്കേജുകളോ പരിഗണനയിലുണ്ടെന്നാണ് സൂചന.
എന്നാൽ ട്രംപിന്റെ ഈ നിലപാടിനെതിരെ ഡെൻമാർക്കും മറ്റ് യൂറോപ്യൻ രാജ്യങ്ങളും കടുത്ത പ്രതിഷേധം രേഖപ്പെടുത്തിയിട്ടുണ്ട്. നാറ്റോ അംഗങ്ങളായ ഇരുരാജ്യങ്ങളും തമ്മിലുള്ള ഈ തർക്കം സഖ്യത്തിന്റെ നിലനിൽപ്പിനെ ബാധിക്കുമെന്ന ആശങ്ക ഉയർന്നിട്ടുണ്ട്. ഗ്രീൻലാൻഡിന്റെ കാര്യത്തിൽ തീരുമാനമെടുക്കാൻ അവിടെയുള്ള ജനങ്ങൾക്കും ഡെൻമാർക്കിനും മാത്രമേ അവകാശമുള്ളൂ എന്ന് ഫ്രാൻസ്, ജർമ്മനി ഉൾപ്പെടെയുള്ള രാജ്യങ്ങൾ സംയുക്ത പ്രസ്താവനയിലൂടെ വ്യക്തമാക്കി.
xczc
