ബഹ്റൈനിൽ കോവിഡ് ബാധിതരുടെ എണ്ണം വർദ്ധിക്കുന്നു
കോവിഡ് ബാധിതരുടെ എണ്ണം ബഹ്റൈനിൽ ഇന്നലെയും കുറവില്ല. ഇന്നലെ 167 വിദേശികൾ ഉൾപ്പടെ 615 പേരിലാണ് കോവിഡ് ബാധ സ്ഥിരീകരിച്ചത്. ഇതിൽ 343 എണ്ണം സമ്പർക്കത്തിലൂടെയും, 105 എണ്ണം യാത്രസംബന്ധമായുമാണ് രേഖപ്പെടുത്തിയത്. ആകെ കോവിഡ് രോഗികളുടെ എണ്ണം 3782 ആയി. ഇതിൽ ഒരാളുടെ നില ഗുരുതരമാണ്. ഇന്നലെ 21468 പേരിലാണ് പരിശോധനകൾ നടത്തിയത്. 2 ദശാംശം 84ശതമാനമാണ് ടെസ്റ്റ് പൊസിറ്റിവിറ്റി നിരക്ക്. ആകെ കോവിഡ് മരണം 1394 ആണ്. ഇന്നലെ 156 പേർ കൂടി രോഗമുക്തി നേടിയതോടെ ആകെ രോഗമുക്തി നേടിയവരുടെ എണ്ണം 2,77,501 ആയി. ഇതുവരെയായി 12,03,427 പേർ ഒരു ഡോസ് വാക്സിൻ സ്വീകരിച്ചിട്ടുണ്ട്. ഇതിൽ 11,78,471 പേർ രണ്ട് ഡോസ് വാക്സിൻ സ്വീകരിച്ചവരാണ്. ഇതുവരെയായി 8,48,039 പേരാണ് ബൂസ്റ്റർ ഡോസ് സ്വീകരിച്ചിരിക്കുന്നത്.
