ദുബൈ സര്‍ക്കാര്‍ ഓഫീസുകളിൽ ജൂൺ 14 മുതൽ 100 ശതമാനം ഹാജർ നിലയ്ക്ക് അനുമതി
ദുബൈ: കൊവിഡ്-19 ലോക്ക് ഡൗണ്‍ ഇളവുകള്‍ അയവ് വരുത്തുന്നതിനിടെ ദുബൈയില്‍ സര്‍ക്കാര്‍ ഓഫീസുകളിലും 100 ശതമാനം ഹാജര്‍നിലയോടെ പ്രവര്‍ത്തിക്കാന്‍ അനുമതി. ജൂണ്‍ 14 ഞായറാഴ്ച മുതലാണ് ഇത്തരത്തില്‍ അനുമതി നല്‍കിയിരിക്കുന്നത്. മെയ് 27ന് ദുബൈ കിരീടാവകാശി ഷെയ്ഖ് ഹംദന്‍ ബിൻ മുഹമ്മദ് ബിൻ റാഷിദ് അല്‍ മക്തൂം ഇതിന് സംബന്ധിച്ച് തീരുമാനം അറിയിച്ചിരുന്നു. ഇതേദിവസമാണ് സ്വകാര്യ വ്യവസായങ്ങള്‍ക്കും ഷോപ്പിങ് മാളുകള്‍ക്കും 100 ശതമാനം ശേഷിയോടെ പ്രവര്‍ത്തിക്കുന്നതിന് അനുമതി നല്‍കിയിരുന്നു. ജൂണ്‍ ഒന്ന് മുതല്‍ നിരവധി കമ്പനികള്‍ ഇത് വിനയോഗിക്കുകയും ചെയ്യുന്നുണ്ട്. അതേസമയം, ഇത്തരത്തില്‍ തുറക്കുന്നതിന് മുന്‍പ് എല്ലാ തരത്തിലുള്ള മുന്‍കരുതൽ നടപടികളും സ്വീകരിക്കണമെന്നും ഭരണകൂടം നിര്‍‍ദ്ദേശിച്ചിട്ടുണ്ട്.
ആഗോള സാമ്പത്തിക പ്രതിസന്ധിയുടെ തിരിച്ചടിയായ കമ്പനികള്‍ക്കും മറ്റ് സാമ്പത്തിക വിഭാഗങ്ങളെയും പിന്തുണയ്ക്കുന്നതിനായാണ് ദുബായ് ഭരണകൂടം ഇത്തരത്തില്‍ നിലപാട് സ്വീകരിച്ചിരിക്കുന്നത്. എന്നിരുന്നാലും ഗര്‍ഭിണികള്‍, പ്രത്യേക പരിഗണന ആവശ്യമായ രോഗികള്‍, പ്രതിരോധ ശേഷി കുറഞ്ഞവര്‍ മെഡിക്കല്‍ റിപ്പോര്‍ട്ടുകളുടെ അടിസ്ഥാനത്തില്‍ ഇളവുകള്‍‍ക്ക് അര്‍ഹരാണെന്ന് വ്യക്തമാക്കിയിട്ടുണ്ട്. ഇത് ജോലിയുടെ സാഹചര്യം കൂടി കണക്കാക്കിയാണ് നല്‍‍കുക. അതിനൊപ്പം 60 വയസ്സിന് മുകളില്‍ പ്രായമുള്ളവര്‍ ഒന്‍പതാം ഗ്രേഡിനും അതിന് താഴെയും പഠിക്കുന്ന കുട്ടികളുടെ അമ്മമാർ എന്നിവർക്കും ഈ അക്കാദമിക് വര്‍ഷം അവസാനിക്കുന്നത് വരെ ഇളവുകള്‍ നല്‍കന്നുണ്ട്. യുഎഇയില്‍ കൊവിഡ്-19 രോഗബാധയ്ക്കിടെ ഏറ്റവുമധികം ഇളവുകള്‍ നല്‍കിയിരിക്കുന്ന രാജ്യമാണ് ദുബൈ.
