അൽ ഐനിൽ കൂടുതൽ പാർക്കിംഗ് കേന്ദ്രങ്ങൾ സ്ഥാപിച്ചു
അൽ ഐൻ : അൽ ഐനിലെ വിവിധ ഭാഗങ്ങളിൽ പുതുതായി 4,397 ഉപരിതല പാർക്കിംഗ് കേന്ദ്രങ്ങൾ നിർമ്മിച്ചതായി അൽ ഐൻ മുൻസിപ്പാലിറ്റി അറിയിച്ചു. റോഡ് സുരക്ഷയുടെ നിലവാരം ഉയർത്തുന്നതിന്റെ ഭാഗമാണ് സെന്റർ 3 ഹായ് അൽ ഖസർ, സെക്ടർ 4 നാദ് അൽ റുസാസ്, സെക്ടർ 9 ഹായ് അൽ മദീഫ്, സെക്ടർ 12 ഹായ് അൽ മുറബ്ബ എന്നിവിടങ്ങളിൽ ജൂലൈ എട്ട് മുതൽ പാർക്കിംഗ് കേന്ദ്രങ്ങൾ ആരംഭിക്കുമെന്ന് നഗരസഭ അധികൃതർ അറിയിച്ചു.
സെക്ടർ 3 ഹായ് അൽ ഖസറിൽ വടക്ക് ഖലീഫ ബിൻ സായിദ് സ്ട്രീറ്റ്, സെയ്ദ് ബിൻ സുൽത്താൻ തെരുവ്, കിഴക്ക് ഹസ്സ ബിന്ത് മഹാമീദ് സ്ട്രീറ്റ്, പടിഞ്ഞാറ് ഭാഗത്ത് മുഹമ്മദ് ബിൻ ഖലീഫ സ്ട്രീറ്റ് എന്നിവിടങ്ങളിൽ മൂന്ന് കേന്ദ്രങ്ങളായി തിരിച്ചു 242 നിലവാരമുള്ള പാർക്കിംഗ് കേന്ദ്രങ്ങൾ ഒരുക്കിയിട്ടുണ്ട്. സെക്ടർ 4 ഹായ് അൽ ഖലാ മേഖലയിൽ 1,584 സ്റ്റാൻഡേർഡ് പാർക്കിംഗ് കേന്ദ്രങ്ങളാണ് ഒരുക്കിയിട്ടുള്ളത്.
സെക്ടർ 5 നാദ് അൽ റുസാസിൽ വടക്ക് ശക്ക്ബൂത്ത് ബിൻ സുൽത്താൻ സ്ട്രീറ്റ്, സൗത്ത് അലി ബിൻ അബി താലിബ് സ്ട്രീറ്റ്, കിഴക്ക് അബുബക്കർ അൽ സിദ്ദിക് സ്ട്രീറ്റ്, പടിഞ്ഞാറ് ഹസ്സ ബിന്ത് സ്ട്രീറ്റ് എന്നിവിടങ്ങളിലായി 682 പാർക്കിംഗ് കേന്ദ്രങ്ങളാണ് ഒരുക്കിയിട്ടുള്ളത്. ഇതിൽ 462 സ്റ്റാൻഡേർഡ് പാർക്കിംഗ് കേന്ദ്രങ്ങളും, 212 പ്രീമിയം പാർക്കിംഗ് കേന്ദ്രങ്ങളുമായിരിക്കും.
സെക്ടർ 9ൽ ഹായ് അൽ മഅദീഫിൽ 657 പാർക്കിംഗ് കേന്ദ്രങ്ങളാണ് ഒരുക്കിയിട്ടുമുള്ളത്. ഇതിൽ 590 സ്റ്റാൻഡേർഡ് പാർക്കിംഗ് ഇടങ്ങളും, 54 പ്രീമിയം പാർക്കിംഗ് ഇടങ്ങളും, പ്രത്യേക വിഭാഗത്തിലുള്ളവർക്കായി എട്ട് പാർക്കിംഗ് കേന്ദ്രങ്ങളുമാണ് നിർമ്മിച്ചിട്ടുള്ളത്.
