സ്വദേശികൾക്ക് ഈ വർഷം രണ്ട് ലക്ഷത്തിലധികം തൊഴിലവസരങ്ങൾ ഒരുക്കാനൊരുങ്ങി സൗദി
റിയാദ്: സ്വദേശിവത്കരണത്തിന്റെ ഭാഗമായി രണ്ട് ലക്ഷത്തിലേറെ തൊഴിലുകൾ കൂടി സ്വദേശികൾക്ക് വേണ്ടി കണ്ടെത്തുമെന്ന് സൗദി. സൗദി മാനവ വിഭവശേഷി മന്ത്രാലയം ആണ് ഇക്കാര്യം വ്യക്തമാക്കിയത്. സ്വദേശിവത്കരണ പദ്ധതിയിലൂടെ ഈ വർഷം 2,13,000 ത്തിലധികം തൊഴിൽ അവസരങ്ങളാണ് സൗദി സൃഷ്ടിക്കാന്‍ ഒരുങ്ങുന്നത്.
അൽജൗഫ് മേഖലയിലെ വ്യാപാരികളുമായും ചേംബർ ഓഫ് കൊമേഴ്സ് അംഗങ്ങളുമായും നടത്തിയ കൂടികാഴ്ചയിലാണ് മാനവ വിഭവശേഷി വകുപ്പ് മന്ത്രി അഹമദ് ബിൻ സുലൈമാൻ അൽറാജിഹി പറഞ്ഞു.
