മഹാരാഷ്ട്ര സർക്കാരിനെതിരെ അണ്ണാ ഹസാരെയുടെ സമര പ്രഖ്യാപനം
മഹാരാഷ്ട്ര സര്ക്കാരിനെതിരെ സമര പ്രഖ്യാപനവുമായി അണ്ണാ ഹസാരെ. സൂപ്പര് മാര്ക്കറ്റുകളിലും കടകളിലും വൈന് വില്പ്പന അനുവദിക്കാനുള്ള തീരുമാനത്തിനെതിരെയാണ് പ്രതിഷേധം. സര്ക്കാര് തീരുമാനത്തിനെതിരെ അനിശ്ചിതകാല നിരാഹാര സമരം തുടങ്ങുമെന്നും അദ്ദേഹം പറഞ്ഞു.
‘മഹാരാഷ്ട്ര സര്ക്കാരിന്റെ തീരുമാനത്തില് നിരാശയുണ്ട്. സൂപ്പർമാർക്കറ്റുകളിലും മറ്റ് കടകളിലും വൈൻ വിൽക്കാൻ അനുമതി നൽകാനുള്ള സർക്കാർ തീരുമാനം സംസ്ഥാനത്തിനും ജനങ്ങളുടെ ക്ഷേമത്തിനും നല്ലതല്ല. മദ്യത്തിനെതിരായ നടപടികൾ സംസ്ഥാന സർക്കാർ ആരംഭിക്കണം. നിർഭാഗ്യവശാൽ മന്ത്രിസഭാ തീരുമാനം മദ്യപാനത്തിനായി ആളുകളെ പ്രോത്സാഹിപ്പിക്കും. സർക്കാർ നയത്തിൽ ഉറച്ചുനിൽക്കുകയാണെങ്കിൽ ഞാൻ അനിശ്ചിതകാല പണിമുടക്കിലേക്ക് പോകും’- അണ്ണാ ഹസാരെ പറഞ്ഞു.
