ഐ.ഐ ജോലിക്ക് ഭീഷണിയാകുമെന്ന ആശങ്ക വേണ്ട; ഇന്ത്യയിലെ ടെക്ക് ജോലികളിൽ 12 മുതൽ 15 ശതമാനം വരെ വളർച്ച ഉണ്ടാകുമെന്ന് റിപ്പോർട്ട്
ശാരിക / ന്യൂഡൽഹി
ഐ.ഐ വന്നതോടെ ജോലി നഷ്ടപ്പെടുമെന്ന ആശങ്ക വേണ്ടെന്നും, ടെക്ക് മേഖലയിൽ കൂടുതൽ തൊഴിലാളികളുടെ ആവശ്യകതയാണ് നിലവിലുള്ളതെന്നും റിപ്പോർട്ട്. 2026ൽ ഇന്ത്യയിലെ ടെക്ക് ജോലികളിൽ 12 മുതൽ 15 ശതമാനം വരെ വളർച്ച ഉണ്ടാകുമെന്നാണ് കണക്ക്, ഇതിലൂടെ 1.25 ലക്ഷം പുതിയ തൊഴിൽ അവസരങ്ങൾ സൃഷ്ടിക്കപ്പെടും. പ്രമുഖ വർക്ക് സൊല്യൂഷൻസ് പ്രൊവൈഡറായ അഡീക്കോ നടത്തിയ പഠന റിപ്പോർട്ടിലാണ് ഈ വിവരങ്ങൾ ഉൾപ്പെടുത്തിയിരിക്കുന്നത്.
ടെക്ക് മേഖലയിലെ പ്രാവീണ്യമുള്ള തൊഴിലാളികളുടെ ഒഴിവുകൾ കഴിഞ്ഞ വർഷങ്ങളെ അപേക്ഷിച്ച് ഇരട്ടിയിലധികം വർധിച്ചതായും റിപ്പോർട്ട് വ്യക്തമാക്കുന്നു. പ്രത്യേകിച്ച് എ.ഐ, സൈബർ സെക്യൂരിറ്റി മേഖലകളിൽ മാത്രം 51 ശതമാനം വളർച്ച രേഖപ്പെടുത്തിയിട്ടുണ്ട്. മെഷീൻ ലേണിങ് എൻജിനീയർമാരുടെയും ഫുൾ സ്റ്റാക്ക് ഡെവലപ്പർമാരുടെയും ഒഴിവുകൾ മുൻ വർഷങ്ങളെ അപേക്ഷിച്ച് 2026ൽ കൂടുതൽ വർധിക്കുമെന്നും റിപ്പോർട്ടിൽ പറയുന്നു. നോൺ ടെക്ക് സെക്ടറുകളെ ഡിജിറ്റൽവത്കരിക്കുന്നതിനായി നടക്കുന്ന നടപടികളും ടെക്ക് മേഖലയിലെ തൊഴിൽ വർധനയ്ക്ക് കാരണമാകുമെന്നും റിപ്പോർട്ട് ചൂണ്ടിക്കാട്ടുന്നു.
sdfsdf
