ടി20 ലോകകപ്പ്: ബംഗ്ലാദേശിന് ഐസിസിയുടെ അന്ത്യശാസനം; വഴങ്ങാതെ പാകിസ്ഥാനും
ഷീബ വിജയൻ
ധാക്ക: ഇന്ത്യയിൽ നടക്കാനിരിക്കുന്ന ഐസിസി ടി20 ലോകകപ്പിൽ പങ്കെടുക്കുന്ന കാര്യത്തിൽ ഈ മാസം 21-നകം അന്തിമ തീരുമാനം അറിയിക്കണമെന്ന് ബംഗ്ലാദേശിന് അന്താരാഷ്ട്ര ക്രിക്കറ്റ് കൗൺസിലിന്റെ (ICC) അന്ത്യശാസനം. സുരക്ഷാ കാരണങ്ങൾ മുൻനിർത്തി തങ്ങളുടെ മത്സരങ്ങൾ ഇന്ത്യയ്ക്ക് പുറത്തേക്ക് മാറ്റണമെന്നും ഗ്രൂപ്പിൽ മാറ്റം വേണമെന്നുമാണ് ബംഗ്ലാദേശ് ക്രിക്കറ്റ് ബോർഡിന്റെ (BCB) ആവശ്യം. എന്നാൽ ഇന്ത്യയിൽ സുരക്ഷാ ഭീഷണികളില്ലെന്ന നിലപാടിൽ ഐസിസി ഉറച്ചുനിൽക്കുകയാണ്.
ബംഗ്ലാദേശിന്റെ ആവശ്യങ്ങൾ അംഗീകരിച്ചില്ലെങ്കിൽ തങ്ങളും ടൂർണമെന്റിൽ നിന്ന് പിന്മാറുമെന്ന് പാകിസ്ഥാൻ ഭീഷണി മുഴക്കിയതോടെ വിഷയം കൂടുതൽ സങ്കീർണ്ണമായി. ബംഗ്ലാദേശ് സർക്കാർ ഇതിനോടകം പാകിസ്ഥാന്റെ പിന്തുണ തേടിക്കഴിഞ്ഞു. ബംഗ്ലാദേശ് വിട്ടുനിൽക്കുകയാണെങ്കിൽ സ്കോട്ട്ലൻഡിനെ പകരക്കാരായി ഉൾപ്പെടുത്താനാണ് ഐസിസിയുടെ നീക്കം. ലോകകപ്പ് ആരംഭിക്കാൻ മൂന്നാഴ്ച മാത്രം ബാക്കിനിൽക്കെ ഈ തർക്കം ക്രിക്കറ്റ് ലോകത്ത് വലിയ ആശങ്കയുണ്ടാക്കുന്നുണ്ട്.
desadeswsade
