സഞ്ജയ് ദത്തിന് ശ്വാസകോശ അർബുദം; വിദഗ്ദ്ധ ചികിത്സയ്ക്കായി അമേരിക്കയിലേക്ക്
മുംബൈ: ബോളിവുഡ് നടൻ സഞ്ജയ് ദത്തിന് ശ്വാസകോശ അർബുദമെന്ന് റിപ്പോർട്ട്. ചികിത്സയ്ക്കായി ബന്ധുക്കൾക്കൊപ്പം അദ്ദേഹം ഉടൻ അമേരിക്കയിലേക്കു പോകും. രോഗത്തിന്‍റെ മൂന്നാം ഘട്ടത്തിലാണെന്നാണ് റിപ്പോർട്ട്.
അടുത്തിടെ ശ്വാസതടസത്തെ തുടർന്ന് സഞ്ജയ് ദത്തിനെ മുംബൈയിലെ ലീലാവതി ആശുപത്രിയിൽ പ്രവേശിപ്പിച്ചിരുന്നു. കോവിഡ് പരിശോധന നടത്തിയിരുന്നുവെങ്കിലും നെഗറ്റീവ് ആ‍യിരുന്നു ഫലം. തുടർന്ന് നടത്തിയ പരിശോധനയിലാണ് അർബുദം സ്ഥിരീകരിച്ചത്.
