വിപ്പ് ലംഘനവും പാർട്ടി വിരുദ്ധ പ്രവർത്തനവും; രണ്ട് തൃണമൂൽ എം.എൽ.എമാരെ പുറത്താക്കി
ഷീബ വിജയൻ
പശ്ചിമ ബംഗാളിൽ പാർട്ടി വിരുദ്ധ പ്രവർത്തനങ്ങളിൽ ഏർപ്പെട്ട തൃണമൂൽ കോൺഗ്രസ് എം.എൽ.എമാരായ സന്ദീപൻ സാഹ, ഋതബ്രത ബാനർജി എന്നിവരെ പാർട്ടിയിൽ നിന്ന് ഉടനടി പുറത്താക്കി. പാർട്ടി വിരുദ്ധ പ്രവർത്തനങ്ങളിൽ ഏർപ്പെട്ടതിനും സംഘടനയുടെ താൽപ്പര്യങ്ങൾക്ക് വിരുദ്ധമായി പ്രവർത്തിച്ചതിനും ഇരുവർക്കുമെതിരെ അടിയന്തരമായി അച്ചടക്ക നടപടി സ്വീകരിക്കുന്നതായി തൃണമൂൽ കോൺഗ്രസ് നേതൃത്വം ഔദ്യോഗിക ഉത്തരവിലൂടെ അറിയിച്ചു. പാർട്ടി സ്ഥാനാർഥികളായി മത്സരിച്ച് ജയിച്ചിട്ടും, ഉന്നത നേതൃത്വം വിളിച്ചുചേർത്ത സുപ്രധാന യോഗങ്ങളിൽ ഇരു എം.എൽ.എമാരും തുടർച്ചയായി വിട്ടുനിന്നതായി പുറത്താക്കൽ നോട്ടീസിൽ വ്യക്തമാക്കുന്നു. ഓൾ ഇന്ത്യ തൃണമൂൽ കോൺഗ്രസിന്റെ (AITC) പ്രാഥമിക അംഗത്വത്തിൽ നിന്ന് പുറത്താക്കപ്പെട്ടതോടെ ഇവർക്ക് പാർട്ടിയുമായി ബന്ധപ്പെട്ട എല്ലാ പദവികളും ഉത്തരവാദിത്തങ്ങളും ആനുകൂല്യങ്ങളും നഷ്ടമാകും. നടപടിയോട് എം.എൽ.എമാർ ഇതുവരെ പ്രതികരിച്ചിട്ടില്ല.
ASSAASASD
