ഗാർഹിക തൊഴിലാളികൾക്കായി ബോധവൽക്കരണവും മെഡിക്കൽ പരിശോധനയും സംഘടിപ്പിച്ച് ഇൻഡ്യൻ ലേഡീസ് അസോസിയേഷൻ
പ്രദീപ് പുറവങ്കര
മനാമ: പിങ്ക് ഒക്ടോബറിന്റെ ഭാഗമായി രാജ്യത്തെ 120-ഓളം വനിതാ ഗാർഹിക തൊഴിലാളികൾക്കായി സ്തനാർബുദ ബോധവൽക്കരണവും മെഡിക്കൽ പരിശോധന ക്യാമ്പും സംഘടിപ്പിച്ച് ഇൻഡ്യൻ ലേഡീസ് അസോസിയേഷൻ (ILA). അൽ ഹിലാലുമായി സഹകരിച്ച് ഒക്ടോബർ 23-നാണ് ഐ.എൽ.എ പരിസരത്ത് ഈ വൻ ജീവകാരുണ്യ പദ്ധതി സംഘടിപ്പിച്ചത്. കൃത്യസമയത്തുള്ള രോഗനിർണ്ണയത്തിന്റെ പ്രാധാന്യം ബോധ്യപ്പെടുത്താനും ആവശ്യമായ ആരോഗ്യപരിപാലനം ഉറപ്പാക്കാനും ലക്ഷ്യമിട്ടായിരുന്നു പരിപാടി.
ചടങ്ങിൽ അൽ ഹിലാലിലെ ഡോ. നുസ്രത്ത് സ്തനാർബുദത്തിന്റെ ലക്ഷണങ്ങൾ, മുൻകരുതലുകൾ, നേരത്തെയുള്ള പരിശോധനകൾ എന്നിവയെക്കുറിച്ച് ഒരു മണിക്കൂർ നീണ്ട ബോധവൽക്കരണ ക്ലാസ് നയിച്ചു. തുടർന്ന് നടന്ന ചോദ്യോത്തര വേളയിൽ പങ്കെടുത്തവരുടെ സംശയങ്ങൾക്ക് ഡോക്ടർ നേരിട്ട് മറുപടി നൽകി. ക്ലാസിന് പുറമെ ഡോക്ടർമാരുടെ കൺസൾട്ടേഷനുകളും സാധാരണ രക്തപരിശോധനകളും ക്യാമ്പിൽ സൗജന്യമായി ലഭ്യമാക്കി.
കൂടാതെ, കൂടുതൽ പരിശോധനകൾ ആവശ്യമായവർക്കായി അൽ ഹിലാലിന്റെ സഹകരണത്തോടെ സ്തനാർബുദ സ്ക്രീനിംഗ് വൗച്ചറുകളും പങ്കെടുത്തവർക്ക് വിതരണം ചെയ്തു. ആവശ്യമായ വിവരങ്ങളും നിർദ്ദേശങ്ങളും കൃത്യമായി ലഭിക്കാത്ത പാർശ്വവത്കരിക്കപ്പെട്ട വനിതകളിലേക്ക് ആരോഗ്യപരിപാലനം എത്തിക്കുക എന്ന ഐ.എൽ.എയുടെ ലക്ഷ്യത്തെ മുൻനിർത്തിയാണ് ഈ സംരംഭം സംഘടിപ്പിച്ചത്. പങ്കെടുത്ത എല്ലാവർക്കും ഭക്ഷണവും മറ്റ് സൗകര്യങ്ങളും അസോസിയേഷൻ ഒരുക്കിയിരുന്നു.
ോേി്്േേ്
്ാേ്േ
ോ്േ്ിേ്
്ിേ്ിേേ്
