അബഹ വിമാനത്താവളത്തിന് നേരെ ഹൂതികളുടെ ആക്രമണം; ദുബൈ, ഷാർജ സർവീസുകൾ റദ്ദാക്കി
ഷീബ വിജയൻ
സൗഡി അറേബ്യയിലെ അബഹ അന്താരാഷ്ട്ര വിമാനത്താവളത്തിന് നേരെ ഹൂതികൾ നടത്തിയ ആക്രമണത്തെത്തുടർന്ന് യുഎഇയിൽ നിന്നുള്ള വിമാന സർവീസുകൾ റദ്ദാക്കി. ദുബൈ, ഷാർജ എന്നിവിടങ്ങളിൽ നിന്നും അബഹയിലേക്കും തിരിച്ചുമുള്ള ഫ്ലൈദുബായ്, എയർ അറേബ്യ വിമാനങ്ങളാണ് റദ്ദാക്കിയത്. ചൊവ്വാഴ്ച രാവിലെയും വൈകിട്ടുമായി പുറപ്പെടേണ്ടിയിരുന്ന നിരവധി സർവീസുകൾ ഇതോടെ മുടങ്ങി. തിങ്കളാഴ്ച രാത്രി യമനിലെ സന അന്താരാഷ്ട്ര വിമാനത്താവളത്തിന് നേരെ ആക്രമണം നടന്ന് മണിക്കൂറുകൾക്കുള്ളിലാണ് അബഹയിലും ആക്രമണമുണ്ടായത്. അബഹയിലെ ആക്രമണത്തിൽ ആളപായമൊന്നും റിപ്പോർട്ട് ചെയ്തിട്ടില്ല. വർഷങ്ങളായി നിലനിന്നിരുന്ന ശാന്തമായ അന്തരീക്ഷത്തിന് ശേഷം ഹൂതികളും സൗദിയും തമ്മിലുള്ള സംഘർഷം വീണ്ടും രൂക്ഷമാകുന്നതിന്റെ സൂചനയായാണ് ഈ ആക്രമണം വിലയിരുത്തപ്പെടുന്നത്. വിഷയം ചർച്ച ചെയ്യാൻ ഐക്യരാഷ്ട്രസഭയുടെ സുരക്ഷാ കൗൺസിൽ അടിയന്തര യോഗം ചേരുകയും, ഈ സംഘർഷം കൂടുതൽ മേഖലകളിലേക്ക് പടരുന്നതിലുള്ള ആശങ്ക പങ്കുവെക്കുകയും ചെയ്തു.
dfdf
