പത്മാവതിയുടെ പ്രദർശനം തടയാനാകില്ലെന്ന് സുപ്രീംകോടതി
ദീപിക പദുക്കോണിനെ നായികയാക്കി സഞ്ജയ് ലീലാ ബൻസാലി സംവിധാനം ചെയ്യുന്ന ചിത്രം പത്മാവതിയുടെ പ്രദർശനം തടയാനാവില്ലെന്ന് സുപ്രീംകോടതി. സിനിമ തടയണമെന്നാവശ്യപ്പെട്ട് നൽകിയ ഹർജി സുപ്രീംകോടതി തളളി. ചിത്രത്തിന് ഇതുവരെ സെൻസർബോർഡ് അനുമതി പോലും കിട്ടിയിട്ടില്ലാത്ത സാഹചര്യത്തിൽ ഇക്കാര്യത്തിൽ ഇടപെടാനാകില്ലെന്നും കോടതി വൃക്തമാക്കി. സിനിമയുമായി നിലനിൽക്കുന്ന എല്ലാവിധ വിവാദങ്ങളും പരിശോധിക്കാൻ രാജസ്ഥാൻ സർക്കാർ കമ്മിറ്റിയെ നിയോഗിക്കും. കമ്മിറ്റിയുടെ റിപ്പോർട്ട് വന്നതിന് ശേഷമായിരിക്കും പത്മാവതിയുടെ വിധിയറിയുക.
രൺവീർ സിംഗ്, ഷാഹിദ് കപൂർ തുടങ്ങിയവരാണ് ചിത്രത്തിലെ മറ്റ് അഭിനേതാക്കൾ. അലാവുദ്ദീൻ ഖിൽജിക്ക് ചിറ്റോർ രാജകുമാരിയായ പദ്മാവതിയോട് തോന്നുന്ന പ്രണയമാണ് ചിത്രത്തിന്റെ ഇതിവൃത്തം. ബോളിവുഡിലെ ഏറ്റവും ചിലവേറിയ ചിത്രങ്ങളിലൊന്ന് എന്നതും ചിത്രത്തിന് വാർത്താ പ്രാധാന്യം നേടികൊടുത്തിരുന്നു. ഡിസംബർ ഒന്നിനാണ് ചിത്രത്തിന്റെ റിലീസ് നിശ്ചയിച്ചിരിക്കുന്നത്. ചരിത്രത്തെ വളച്ചൊടിക്കുന്നതാണ് ചിത്രമെന്ന് ആരോപിച്ചാണ് ചിത്രത്തിനെതിരെ പ്രതിഷേധം ഉയരുന്നത്.


