ഒരു കുട്ടനാടൻ ബ്ലോഗ്
തിരക്കഥാകൃത്തായ സേതു തിരക്കഥയെഴുതി സംവിധാനം ചെയ്യുന്ന ആദ്യ ചിത്രം ഒരു കുട്ടനാടൻ ബ്ലോഗ്. മമ്മൂട്ടി നായകനാകുന്ന ചിത്രത്തിൽ ലക്ഷ്മി റായ്, ദീപ്തി സതി, അനു സിതാര എന്നിവരാണ് നായികമാരാകുന്നത്. ഹ്യൂമറിനും ആക്ഷനും പ്രധാന്യം നൽകുന്ന ഒരു മുഴുനീള എന്റർടെയ്നറായിരിക്കും ചിത്രമെന്നാണ് സിനിമാ വൃത്തങ്ങളിൽ നിന്ന് ലഭിക്കുന്ന വിവരം. ക്ലാസ്മേറ്റ്സും ചോക്ലേറ്റും മെമ്മറീസുമുൾപ്പടെ ഒട്ടേറെ സൂപ്പർഹിറ്റ് ചിത്രങ്ങൾ നിർമ്മിച്ച അനന്ത വിഷന്റെ ബാനറിൽ പി.കെ മുരളീധരനും ശാന്താ മുരളിയും ചേർന്ന് നിർമ്മിക്കുന്ന ചിത്രത്തിന്റെ ഛാ
യാഗ്രഹണം നിർവ്വഹിക്കുന്നത് പ്രദീപ് നായരാണ്. റഫീഖ് അഹമ്മദിന്റെ വരികൾക്ക് നവാഗതനായ ശ്രീനാഥ് ഈണമിടുന്നു. സിദ്ദിഖ്, നെടുമുടി വേണു, സുരാജ് വെഞ്ഞാറമൂട്, ജൂഡ് ആന്റണി ജോസഫ്, ആദിൽ ഇബ്രാഹിം, സഞ്ജു ശിവറാം തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്. ഈ വർഷം ഒടുവിൽ കുട്ടനാട്ടിൽ ചിത്രീകരണമാരംഭിക്കും.


