വിമാനങ്ങളും ബാങ്കുകളും നിശ്ചലമായി; അമേരിക്കൻ സൈബർ സുരക്ഷാ മേധാവിക്ക് ജോലി പോയി


ഷീബ വിജയൻ


വാഷിങ്ടൺ: അമേരിക്കയിലെ വിമാന സർവീസുകൾ, ബാങ്കിങ് സംവിധാനങ്ങൾ, ഇമെയിൽ സേവനങ്ങൾ എന്നിവയിൽ തുടർച്ചയായി സാങ്കേതിക തടസ്സങ്ങൾ നേരിട്ടതിന് പിന്നാലെ ദേശീയ സൈബർ സുരക്ഷാ മേധാവി ഷോൺ കെയിൻക്രോസിനെ സ്ഥാനത്തുനിന്ന് നീക്കി. പ്രസിഡന്റ് ഡോണൾഡ് ട്രംപിന്റെ പൂർണ പിന്തുണയോടെയാണ് ഈ നീക്കമെന്നാണ് പുറത്തുവരുന്ന റിപ്പോർട്ടുകൾ. സൈബർ സുരക്ഷാ ചുമതലകൾ ഫലപ്രദമായി നിർവഹിക്കാൻ ആവശ്യമായ യോഗ്യത കെയിൻക്രോസിനില്ലെന്ന വിലയിരുത്തലാണ് സ്ഥാനമാറ്റത്തിന് പിന്നിലെന്നാണ് ഒരു വിഭാഗം റിപ്പോർട്ടുകൾ പറയുന്നത്. എന്നാൽ, രണ്ട് വർഷം കൂടി ഈ പദവിയിൽ തുടരാൻ താൽപര്യമില്ലാത്തതിനാലാണ് അദ്ദേഹം സ്വയം സ്ഥാനമൊഴിയുന്നതെന്നും മറ്റ് റിപ്പോർട്ടുകൾ സൂചിപ്പിക്കുന്നു. അതിനാൽ, സ്ഥാനമാറ്റത്തിന്റെ കൃത്യമായ കാരണം സംബന്ധിച്ച് വ്യത്യസ്ത വിവരങ്ങളാണ് പുറത്തുവരുന്നത്.

കഴിഞ്ഞ ദിവസങ്ങളിൽ അമേരിക്കയിലെ വിവിധ നിർണായക സംവിധാനങ്ങളിലാണ് വ്യാപകമായ സാങ്കേതിക തകരാറുകൾ ഉണ്ടായത്. ഫെഡറൽ ഏവിയേഷൻ അഡ്മിനിസ്ട്രേഷന്റെ നിർദേശത്തെ തുടർന്ന് രാജ്യവ്യാപകമായി വിമാന സർവീസുകൾ താൽക്കാലികമായി നിർത്തിവെക്കേണ്ട സാഹചര്യമുണ്ടായി. ഇതിനുപുറമെ മൈക്രോസോഫ്റ്റിന്റെ ഔട്ട്ലുക്ക് ഇമെയിൽ സേവനത്തെയും യുണൈറ്റഡ് എയർലൈൻസിന്റെ പ്രവർത്തനങ്ങളെയും സാങ്കേതിക തടസ്സങ്ങൾ ബാധിച്ചു. ദേശീയ സുരക്ഷാ ഏജൻസിയുടെ ആഭ്യന്തര ആശയവിനിമയ സംവിധാനത്തിലും ബാങ്കിങ് മേഖലയിലും സമാനമായ പ്രശ്നങ്ങൾ റിപ്പോർട്ട് ചെയ്തിട്ടുണ്ട്.

article-image

cxcxzcxcxzcxz

You might also like

  • Bharth Cargo
  • Lulu Exchange
  • Straight Forward

Most Viewed