ബഹ്റൈൻ കേരളീയ സമാജം സംഘടിപ്പിച്ച പെയിന്റിംഗ് മത്സരം ശ്രദ്ധേയമായി
ബഹ്റൈൻ ദേശീയ ദിനാഘോഷത്തിന്റെ ഭാഗമായി ബഹ്റൈൻ കേരളീയ സമാജം ചിത്രകലാ ക്ലബ്ബിന്റെ ആഭിമുഖ്യത്തിൽ സംഘടിപ്പിച്ച പെയിന്റിംഗ് മത്സരം ശ്രദ്ധേയമായി. സമാജം ഡയമണ്ട് ജൂബിലി ഹാളിൽ അഞ്ച് വിഭാഗങ്ങളിലായി നടന്ന മത്സരത്തിൽ കുട്ടികളും മുതിർന്നവരുമടക്കം 750 ൽപ്പരം പേരാണ് വിവിധ വിഷയങ്ങളിൽ വർണ്ണചിത്രങ്ങൾ ഒരുക്കിയത്. ചടങ്ങിൽ മനാമ കാപ്പിറ്റൽ ഗവർണറേറ്റ് ഇൻഫർമേഷൻ ആൻഡ് ഫോളോ അപ്പ് ഡയറക്ടർ യുസഫ് ലോറി ദേശീയ ദിന ആഘോഷത്തിന്റെയും പെയിന്റിംഗ് മത്സരത്തിന്റെയും ഉദ്ഘാടനം, നിർവ്വഹിച്ചു. സമാജം പ്രസിഡന്റ് പി.വി.രാധാകൃഷ്ണപിള്ള അധ്യക്ഷത വഹിച്ച ചടങ്ങിൽ ആൻറണി പൗലോസ്, ബഹ്റൈനിലെ പ്രമുഖ ചിത്രകാരനായ യാസിർ മെഹ്ദി, പ്രമുഖ ജോർദ്ദാനി ചിത്രകാരിയായ ഇറിനോ അവറിനോസ് തുടങ്ങിയവർ വിശിഷ്ട അതിഥികളായി പങ്കെടുത്തു.
സമാജം കലാവിഭാഗം സെക്രട്ടറി ശ്രീജിത്ത് ഫാറൂഖ്, ചിത്രകലാ ക്ലബ്ബിന്റെ കൺവീനർ ആൽബർട്ട് ആൻറണി ചിത്രകലാ ക്ലബ്ബ് അംഗങ്ങൾ എന്നിവർ ചടങ്ങിൽ സന്നിഹിതരായിരുന്നു. സമാജം ജനറൽ സെക്രട്ടറി വർഗ്ഗീസ് കാരക്കൽ സ്വാഗതം ആശംസിച്ചു. ഡിസംബർ 22ന് നടക്കുന്ന ക്രിസ്തുമസ് ആഘോഷച്ചടങ്ങിൽ സമ്മാനങ്ങൾ വിതരണം ചെയ്യും.
ുര
