മീലാദ് ക്യാമ്പയിൻ; വൈവിധ്യമാർന്ന പരിപാടികൾ ആസൂത്രണം ചെയ്തു
“തിരുനബിയുടെ സ്നേഹലോകം” എന്ന ശീർഷകത്തിൽ ഐ.സി.എഫ്. ബഹ്‌റൈൻ നടത്തുന്ന മീലാദ് ക്യാമ്പയിൻറെ ഭാഗമായി ഐ.സി.എഫ്. ഉമ്മുൽ ഹസം സെൻട്രൽ കമ്മിറ്റിയുടെ ആഭിമുഖ്യത്തിൽ സെപ്റ്റംബർ 10 മുതൽ ഒക്ടോബർ 16 വരെ നീണ്ടു നിൽക്കുന്ന വൈവിധ്യമാർന്ന പരിപാടികൾ ആസൂത്രണം ചെയ്തു. ഇതിന്റെ ഭാഗമായി മുപ്പത്തിമൂന്ന് അംഗ സ്വാഗതസംഘം രൂപീകരിച്ചു.
സ്വാഗതസംഘം ചെയർമാനായി മുഹ്‌സിൻ മദനി, കൺവീനർ കബീർ വലിയകത്ത് ഫിനാൻസ് കൺവീനർ കബീർ ഒളവണ്ണ, വൈസ് ചെയർമാൻ നൗഷാദ് മുട്ടുന്തല, ജോയിന്റ് കൺവീനർ നൗഫൽ മയ്യേരി എന്നിവരെ പ്രധാനഭാരവാഹികളായി തിരഞ്ഞെടുത്തു. ക്യാമ്പയിന്റെ ഭാഗമായി സെൻട്രൽ തലത്തിലും യൂണിറ്റുകളിലുമായി നൂറോളം മൗലിദ് സദസ്സുകൾ, മദ്ഹുറസൂൽ പ്രഭാഷണം, ഫാമിലി മീലാദ് മീറ്റ്, കുട്ടികളുടെ കലാപരിപാടികൾ, മധുര പലഹാര വിതരണം എന്നിവ നടക്കും. വിവിധ പരിപാടിയിൽ കേരളത്തിന് അകത്തും പുറത്തുമുള്ള പണ്ഡിതന്മാർ, അറബി പ്രമുഖർ , സാമൂഹ്യ സാംസ്കാരിക പ്രവർത്തകർ തുടങ്ങിയവർ പങ്കെടുക്കും. ഒക്ടോബർ ഒന്നിന് നടക്കുന്ന മദ്ഹുറസൂൽ സമ്മേളനത്തിൽ മസ്ഊദ് സഖാഫി ഗൂഡല്ലൂർ മുഖ്യാതിഥിയായിരിക്കുമെന്നും ഭാരവാഹികൾ അറിയിച്ചു.
ghfvj
