ആർ.എസ്.സി തർതീൽ - ഖുർആൻ മത്സരം: ബഹ്റൈൻ ഗ്രാന്റ് ഫിനാലെ വെള്ളിയാഴ്ച്ച
വിശുദ്ധ ഖുർആൻ പഠനവും പാരായണവും പ്രോത്സാഹിപ്പിക്കുന്നതിനായി രിസാല സ്റ്റഡി സർക്കിൾ റമദാനിൽ സംഘടിപ്പിച്ചു വരുന്ന ആറാമത് എഡിഷൻ തർതീൽ− ഖുർആൻ മത്സരങ്ങളുടെ ഗ്രാന്റ് ഫിനാലെ നാളെ രാവിലെ 9 മണി മുതൽ മനാമ കന്നട ഭവൻ ഓഡിറ്റോറിയത്തിൽ നടക്കും. ജൂനിയർ, സെക്കന്ററി, സീനിയർ, സൂപ്പർ സീനിയർ എന്നീ വിഭാഗങ്ങളിലായി മനാമ, മുഹറഖ്, റിഫ സോണുകളിൽ നിന്നും നിരവധി മത്സരാർത്ഥികൾ പങ്കെടുക്കും. ആർ.എസ്.സിയുടെ ഘടകങ്ങളായ യൂനിറ്റ്, സെക്ടർ, സോൺ മത്സരങ്ങളിൽ നിന്നും ഒന്നാം സ്ഥാനം നേടിയ പ്രതിഭകൾ തമ്മിലുള്ള മത്സരമാണ് ബഹ്റൈൻ നാഷണൽ തർതീൽ ഗ്രാന്റ് ഫിനാലെ. ഖുർആൻ പാരായണം, മനഃപാഠം, ക്വിസ്, രിഹാബുൽ ഖുർആൻ, മുബാഹസ തുടങ്ങിയവയാണ് മത്സര ഇനങ്ങൾ.
സന്ദർശകർക്കായി ഖുർആൻ എക്സ്പോയും നഗരിയിൽ ഒരുക്കുന്നുണ്ട് . ഉച്ചക്ക് ശേഷം നടക്കുന്ന സമാപന സമ്മേളനത്തിൽ ബഹ്‌റൈനിലെ പ്രമുഖ ഇസ്ലാമിക പണ്ഡിതൻ ശൈഖ് മുഹ്‌സിൻ ഇബ്ൻ ഹുസൈൻ മദനി, എസ് എസ് എഫ് കേരള മുൻ സംസ്ഥാന പ്രസിഡന്റ് സി കെ റാഷിദ് ബുഖാരി, ഐ സി എഫ് നാഷനൽ പ്രസിഡന്റ് സൈനുദ്ധീൻ സഖാഫി, അബ്ദു സമദ് അമാനി, അനസ് അമാനി തുടങ്ങിയവർ സംബന്ധിക്കും.
േീൂ്ബ
