ബഹ്റൈൻ എയർപോർട്ട് കന്പനി പുതിയ ടെൻഡർ ഓഫർ പ്രഖ്യാപിച്ചു
മനാമ: ബഹ്റൈൻ അന്താരാഷ്ട്ര വിമാനത്താവളത്തിന്റെ പ്രവർത്തനങ്ങളെ നിയന്ത്രിക്കുന്ന ബഹ്റൈൻ എയർപോർട്ട് കന്പനി പുതിയ പാസഞ്ചർ ടെർമിനലിന്റെ ഭാഗമായുള്ള ലാൻഡ്സൈഡ് ഫുഡ് ആന്റ് ബിവെറേജ് (എഫ് ആന്റ് ബി) ഔട്ട്ലെറ്റുകൾക്കായി പുതിയ ടെൻഡർ ഓഫർ പ്രഖ്യാപിച്ചു. എയർപോർട്ട് നവീകരണ പദ്ധതിയുടെ ഭാഗമായി നിർമ്മിക്കുന്ന പുതിയ ടെർമിനലിലെ ഫുഡ് ആന്റ് ബിവെറേജ് ഔട്ട്ലെറ്റുകളുടെ ഡിസൈൻ, സാന്പത്തികം, വികസനം, പ്രവർത്തനം, പരിപാലനം, നിയന്ത്രണം എന്നിവ കൈകാര്യം ചെയ്യുന്ന ഒന്നോ അതിലധികമോ ബിസിനസ് പങ്കാളികൾക്ക് ഈ ടെൻഡർ വലിയ ഇളവ് അനുവദിക്കും. അടുത്ത വിമാനത്തിനായി കാത്തിരിക്കുന്ന ഒരു സ്ഥലം എന്നതിൽ നിന്ന് വിമാനത്താവളങ്ങൾ മാറുകയാണ്. ഷോപ്പിംഗിനും ഡൈനിങ്ങിനുമായുള്ള ഉദ്ദിഷ്ടസ്ഥാനമായും ഇവ പ്രവർത്തിക്കുന്നു. ഇത്തരത്തിലുള്ള എല്ലാ ഘടകങ്ങളും, യാത്ര ചെയ്യുന്ന അനുഭവം മെച്ചപ്പെടുത്താൻ സഹായിക്കും, ഫുഡ് ആന്റ് ബിവറേജ് ഔട്ട്ലെറ്റുകളുടെ തിരഞ്ഞെടുക്കൽ യാത്രക്കാരന്റെ പ്രതീക്ഷകൾ നിറവേറ്റുന്നതിന് തങ്ങളെ വളരെയധികം സഹായിക്കുമെന്നും ബഹ്റൈൻ എയർപോർട്ട് കന്പനിയുടെ ചീഫ് കൊമേഷ്യൽ ഓഫീസർ ആയ അയ്‌മൻ സൈനാൾ പറഞ്ഞു.
അഞ്ച് ലാൻഡ്സൈഡ് ഫുഡ് ആന്റ് ബിവറേജ് ഔട്ട്ലെറ്റുകൾക്കായാണ് ടെൻഡർ, ഇതിൽ മൂന്നെണ്ണം കോഫി ഷോപ്പുകൾക്കായും രണ്ടെണ്ണം റെസ്റ്റോറന്റുകൾക്കായുമാണ്. 2018 ഫെബ്രുവരി 21നാണ് അപേക്ഷ സമർപ്പിക്കേണ്ട അവസാന തീയതി. മാനദണ്ധങ്ങൾ പാലിക്കുന്ന എല്ലാ അപേക്ഷകളിൽ നിന്നും സാങ്കേതിക, സാന്പത്തിക മൂല്യ നിർണ്ണയത്തിലൂടെയായിരിക്കും മികച്ച നിർദ്ദേശങ്ങൾ തിരഞ്ഞെടുക്കുന്നത്. കൂടുതൽ വിവരങ്ങൾക്ക്, www.tenderboard.gov.bh എന്ന ബഹ്റൈൻ ടെൻഡർ ബോർഡ് വെബ്സൈറ്റ് സന്ദർശിക്കുക.
