ഇന്ത്യൻ ക്ലബ്ബ് ഫുട്ബോൾ രജിസ്‌ട്രേഷൻ ആരംഭിച്ചു
മനാമ : ഇന്ത്യൻ ക്ലബ്ബിന്റെ ആഭിമുഖ്യത്തിൽ നവംബർ 11ാം തീയതി മുതൽ 23ാം തീയതി വരെ ക്ലബ്ബ് മൈതാനത്ത് വെച്ച് സംഘടിപ്പിക്കുന്ന എക്സ്പാറ്റ് 5 എ സൈഡ് ഫുട്ബോൾ ടൂർണ്ണമെന്റിനുള്ള രജിസ്‌ട്രേഷൻ ആരംഭിച്ചതായി സംഘാടകർ അറിയിച്ചു.
അണ്ടർ 14, അണ്ടർ 18, 18 വയസിന് മുകളിൽ എന്നിങ്ങനെ മൂന്ന് വിഭാഗങ്ങളിലായാണ് മത്സരം നടക്കുന്നത്. രജിസ്‌ട്രേഷനുള്ള അപേക്ഷകൾ ക്ലബ് ഓഫീസിൽ ലഭിക്കുന്നതാണ്. നവംബർ 6ാം തീയതി രാത്രി 8:30ന് മുൻപായി അപേക്ഷകൾ ലഭിക്കേണ്ടതാണ്.
കൂടുതൽ വിവരങ്ങൾക്ക് ഇന്ത്യൻ ക്ലബ്ബ് ഓഫീസുമായോ (17253157), വിക്ടർ മറഡോണ (36828384), സുധീഷ് സുധാകരൻ (36661289) എന്നിവരുമായോ ബന്ധപ്പെടാവുന്നതാണ്.
