ഐ.സി.എ.ഐ ബഹ്റൈൻ ചാപ്റ്ററിന്റെ 'സി.എ മാസ്റ്റർക്ലാസ് പരമ്പര'യ്ക്ക് തുടക്കമായി
പ്രദീപ് പുറവങ്കര
മനാമ: ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടന്റ്സ് ഓഫ് ഇന്ത്യ (ICAI) ബഹ്റൈൻ ചാപ്റ്റർ സംഘടിപ്പിക്കുന്ന 'സി.എ മാസ്റ്റർക്ലാസ് പരമ്പര'യ്ക്ക് വിജയകരമായ തുടക്കം. ദാന മാളിലെ എപിക് സിനിമയിൽ വെച്ച് "ടൈം ടു ഗെറ്റ് ഫ്യൂച്ചർ റെഡി" (Time to Get Future Ready) എന്ന പ്രമേയത്തിലാണ് ഉദ്ഘാടന സെഷൻ നടന്നത്.
പരമ്പരയിലെ ആദ്യ സെഷനിൽ ധനകാര്യ പ്രസ്താവനകളിലെ പ്രസന്റേഷനും വെളിപ്പെടുത്തലുകളുമായി ബന്ധപ്പെട്ട 'IFRS 18' (International Financial Reporting Standards 18) എന്ന വിഷയത്തെക്കുറിച്ചാണ് വിശദമായ ചർച്ച നടന്നത്. മാറിക്കൊണ്ടിരിക്കുന്ന സാമ്പത്തിക റിപ്പോർട്ടിങ് രംഗത്തെക്കുറിച്ചും പുതിയ മാനദണ്ഡങ്ങൾ അക്കൗണ്ടിങ് പ്രൊഫഷണലുകൾക്ക് വരുത്തുന്ന പ്രായോഗിക മാറ്റങ്ങളെക്കുറിച്ചും സെഷൻ വിലപ്പെട്ട ഉൾക്കാഴ്ചകൾ നൽകി.
പ്രാദേശിക ധനകാര്യ-അക്കൗണ്ടിങ് മേഖലകളിൽ നിന്നുള്ള 110-ലധികം പ്രതിനിധികൾ പങ്കെടുത്ത ചടങ്ങിൽ പ്രമുഖ കീനോട്ട് സ്പീക്കർമാരായ സി.എ മഹേഷ് ബാലസുബ്രഹ്മണ്യൻ, സി.എ മുക്ത കുൽക്കർണി എന്നിവർ ക്ലാസുകൾ നയിച്ചു. അംഗങ്ങളുടെ സജീവ പങ്കാളിത്തം ഉദ്ഘാടന മാസ്റ്റർക്ലാസിന്റെ വൻ വിജയത്തിന് കാരണമായതായി ഭാരവാഹികൾ അറിയിച്ചു.
dsgg
