ആദ്യമായി പണമയക്കുന്നവർക്ക് ലുലു മണി ആപ്പ് വഴി സൗജന്യ സേവനം; ഓഫർ മെയ് 31 വരെ
പ്രദീപ് പുറവങ്കര
മനാമ : പ്രവാസികൾക്ക് നാട്ടിലേക്ക് പണമയക്കുന്നത് കൂടുതൽ എളുപ്പമാക്കിക്കൊണ്ട് ലുലു മണി (LuLu Money) ആപ്പ് പുതിയ ഓഫർ പ്രഖ്യാപിച്ചു. ലുലു എക്സ്ചേഞ്ച് സേവനങ്ങൾ ആദ്യമായി ഉപയോഗിക്കുന്ന ഉപഭോക്താക്കൾക്കായി തികച്ചും സൌജന്യമായി നാട്ടിലേക്ക് പണമയക്കാനുള്ള അവസരമാണ് ഇതിലൂടെ ഒരുക്കിയിരിക്കുന്നത്. ലുലു മണി ആപ്പ് വഴി നാട്ടിലേക്ക് നടത്തുന്ന ആദ്യത്തെ മണി ട്രാൻസ്ഫറിനാണ് ഈ ആനുകൂല്യം ലഭിക്കുക. സാധാരണയായി ഈടാക്കാറുള്ള ട്രാൻസ്ഫർ ഫീസ് ഇല്ലാതെ പ്രവാസികൾക്ക് തങ്ങളുടെ കഠിനാധ്വാനത്തിന്റെ ഫലം പൂർണ്ണമായും നാട്ടിലെത്തിക്കാൻ ഇതിലൂടെ സാധിക്കും.
ഈ സവിശേഷ ഓഫർ സ്വന്തമാക്കാൻ ആഗ്രഹിക്കുന്ന പുതിയ ഉപഭോക്താക്കൾ പണമയക്കുന്ന സമയത്ത് 'SENDFREE' എന്ന പ്രൊമോ കോഡ് ഉപയോഗിക്കേണ്ടതുണ്ട്. ആപ്പിലെ 'Bank Transfer' സൗകര്യം വഴി വളരെ ലളിതമായി ഈ ഓഫർ പ്രയോജനപ്പെടുത്താം. ലുലു എക്സ്ചേഞ്ച് സേവനങ്ങൾ ഇതിനുമുമ്പ് ഉപയോഗിച്ചിട്ടില്ലാത്ത പുതിയ ഉപഭോക്താക്കൾക്ക് മാത്രമായിരിക്കും ഈ ആനുകൂല്യം ലഭിക്കുക. 2026 മെയ് 31 വരെയാണ് ഈ ഓഫറിന്റെ കാലാവധി നിശ്ചയിച്ചിരിക്കുന്നത്.
ഡിജിറ്റൽ ഇടപാടുകൾ പ്രോത്സാഹിപ്പിക്കുന്നതിന്റെയും പ്രവാസി മലയാളി ഉപഭോക്താക്കൾക്ക് മികച്ച സേവനം നൽകുന്നതിന്റെയും ഭാഗമായാണ് ലുലു മണിയുടെ ഈ പുതിയ ചുവടുവെപ്പ്. സ്മാർട്ട്ഫോണുകളിൽ ലുലു മണി ആപ്പ് ഡൗൺലോഡ് ചെയ്ത് ഈ ഓഫർ വേഗത്തിൽ തന്നെ ഉപയോഗിക്കാവുന്നതാണ്.
