സുനിൽ ജോർജ് മെമ്മോറിയൽ ട്രോഫി അഞ്ചാം സീസൺ നവംബർ 28-ന് നടക്കും
പ്രദീപ് പുറവങ്കര
മനാമ: അന്തരിച്ച ക്രിക്കറ്റ് താരം സുനിൽ ജോർജിന്റെ സ്മരണാർത്ഥം, ബ്രോസ് & ബഡ്ഡീസ് ക്രിക്കറ്റ് ടീം സംഘടിപ്പിക്കുന്ന സുനിൽ ജോർജ് മെമ്മോറിയൽ ട്രോഫിയുടെ അഞ്ചാം സീസൺ നവംബർ 28-ന് അരങ്ങേറും. ബഹ്‌റൈനിലെ ഏറ്റവും വലിയ ഏകദിന ക്രിക്കറ്റ് ടൂർണമെന്റാണ് ഇതെന്ന് സംഘാടകർ അറിയിച്ചു.
രജിസ്റ്റർ ചെയ്ത 103 ടീമുകളിൽ നിന്ന് 88 ടീമുകളെയാണ് ടൂർണമെന്റിനായി തിരഞ്ഞെടുത്തത്. 11 ഗ്രൂപ്പുകളിലായി നടക്കുന്ന ആദ്യ റൗണ്ട് മത്സരങ്ങൾക്ക് ശേഷം, 11 ഗ്രൂപ്പ് ചാമ്പ്യന്മാരാണ് പ്രധാന ട്രോഫിക്കായി മാറ്റുരയ്ക്കുന്നത്. ബുസൈത്തീനിലെ 22 ഗ്രൗണ്ടുകളിലായി ഒരേ സമയം മത്സരങ്ങൾ നടക്കും.
ടൂർണമെന്റിന്റെ സുഗമമായ നടത്തിപ്പിനായി തിരഞ്ഞെടുത്ത ടീമുകളുടെ ക്യാപ്റ്റൻസ് മീറ്റ് അടുത്തിടെ സെഹ്ലയിൽ വെച്ച് നടന്നു. 11 ഗ്രൂപ്പ് ചാമ്പ്യന്മാർക്കും ഫൈനൽ റൗണ്ടിലെ ആദ്യ 4 സ്ഥാനക്കാർക്കും ട്രോഫികൾ നൽകും. കൂടാതെ, വ്യക്തിഗത നേട്ടങ്ങൾക്കും പ്രത്യേക സമ്മാനങ്ങൾ ഒരുക്കിയിട്ടുണ്ട്.
കൂടുതൽ വിവരങ്ങൾ അറിയുന്നതിനായി അൻസാർ മുഹമ്മദ് എരമംഗലം (34 125 135), രാജേഷ് (3628 2962), അനീഷ് (3977 8420), ബഷീർ (3611 1298) എന്നിവരുമായി ബന്ധപ്പെടാവുന്നതാണ്.
sfdsf
