അൽ ഹിലാൽ ഹെൽത്ത്‌കെയർ ഗ്രൂപ്പിൻ്റെ "ഹെൽത്തി പിനോയ് കാമ്പയിൻ 2025" ന് തുടക്കം
പ്രദീപ് പുറവങ്കര
മനാമ I ബഹ്‌റൈനിലെ ഫിലിപ്പീനോ സമൂഹത്തിനായി അൽ ഹിലാൽ ഹെൽത്ത്‌കെയർ ഗ്രൂപ്പ്, ഫിലിപ്പീൻസ് എംബസിയുമായി സഹകരിച്ച് "ഹെൽത്തി പിനോയ് കാമ്പയിൻ 2025" എന്ന പേരിൽ ഒരു മാസം നീണ്ടുനിൽക്കുന്ന സൗജന്യ ആരോഗ്യപരിശോധനാ സംരംഭത്തിന് തുടക്കമിട്ടു. കഴിഞ്ഞ വർഷത്തെ വിജയകരമായ പരിപാടിയുടെ തുടർച്ചയാണിത്. ബഹ്‌റൈനിലെ ഫിലിപ്പീൻസ് അംബാസഡർ അനി ജലാൻഡോ-ഓൺ ലൂയിസ് പങ്കെടുത്ത ചടങ്ങിലാണ് കാമ്പയിൻ പ്രഖ്യാപിച്ചത്. കോൺസുലാർ ബ്രയാൻ ജെസ് ടി. ബാഗുയോ, ലേബർ അറ്റാഷെ ഓർവിൽ ബാലിറ്റോക് എന്നിവരുൾപ്പെടെയുള്ള എംബസിയിലെ മുതിർന്ന ഉദ്യോഗസ്ഥരും, അൽ ഹിലാൽ ഹെൽത്ത്‌കെയർ ഗ്രൂപ്പ് സി.ഇ.ഒ. ഡോ. ശരത് ചന്ദ്രൻ, വൈസ് പ്രസിഡൻ്റ് ആസിഫ് മുഹമ്മദ് എന്നിവരും ചടങ്ങിൽ പങ്കെടുത്തു. ഈ കാമ്പയിനിലൂടെ, ഓഗസ്റ്റ് മാസം മുഴുവൻ ബഹ്‌റൈനിലെ എല്ലാ ഫിലിപ്പീനോ പൗരന്മാർക്കും അൽ ഹിലാലിൻ്റെ ഏതൊരു ശാഖയിലും സൗജന്യ ആരോഗ്യ പരിശോധനകൾ ലഭിക്കും. ഓഗസ്റ്റ് 1 വെള്ളിയാഴ്ച മനാമയിലെ അൽ ഹിലാൽ മെഡിക്കൽ സെൻ്ററിൽ വെച്ചാണ് പരിപാടി ആരംഭിക്കുന്നത്. അന്ന് രാവിലെ 7:30 മുതൽ സൗജന്യ രക്തപരിശോധനകൾ ലഭ്യമാകും. രക്തത്തിലെ പഞ്ചസാര, കൊളസ്ട്രോൾ, ക്രിയാറ്റിൻ, കരൾ പരിശോധന , യൂറിക് ആസിഡ് എന്നിവ ഇതിൽ ഉൾപ്പെടും. പരിശോധനാ ഫലങ്ങൾ വിലയിരുത്തുന്നതിനായി സൗജന്യ ഡോക്ടർ കൺസൾട്ടേഷനുകളും ലഭ്യമാണ്. ആരോഗ്യ സേവനങ്ങൾക്കൊപ്പം, ഫിലിപ്പീൻസ് എംബസി കോൺസുലാർ സേവനങ്ങളും നൽകും. ഇതോടൊപ്പം രക്തസമ്മർദ്ദവും പ്രമേഹവും തടയുന്നതിനെക്കുറിച്ച് രാവിലെ 9:00 മുതൽ 10:00 വരെ ഒരു പ്രത്യേക ആരോഗ്യ ബോധവൽക്കരണ ക്ലാസും നടക്കും.
AQSaqssa
DDSFADFS
Asasdadsas
