രാജ്യത്ത് കോവിഡ് ആശങ്ക ഉയരുന്നു; രോഗികൾ 43 ലക്ഷത്തിലേക്ക്
ന്യൂഡൽഹി: രാജ്യത്ത് കോവിഡ് രോഗികളുടെ എണ്ണം ആശങ്ക ഉയര്‍ത്തി വര്‍ദ്ധിക്കുന്നു. 24 മണിക്കൂറിനിടെ 75,809 പേര്‍ക്ക് രോഗം സ്ഥിരീകരിച്ചു. 1,113 പേര്‍ മരിച്ചു. ഇതോടെ രാജ്യത്തെ കോവിഡ് ബാധിതരുടെ എണ്ണം 42,80,423 ആയി. മരണ സംഖ്യ 72,775 ആയി ഉയര്‍ന്നു.
രാജ്യത്തെ വിവിധ സംസ്ഥാനങ്ങളിലായി 8,83,697 ചികിത്സയില്‍ കഴിയുന്നുണ്ട്. 33,23,951 പേര്‍ രോഗമുക്തരായി. മഹാരാഷ്ട്ര, തമിഴ്‌നാട്, ന്യൂഡല്‍ഹി, ആന്ധ്രാപ്രദേശ് എന്നീ സംസ്ഥാനങ്ങളിലാണ് കോവിഡ് രോഗികളുടെ എണ്ണം ക്രമാതീതമായി വര്‍ദ്ധിക്കുന്നത്.
