കർണാടകയിൽ കനത്ത മഴയും മണ്ണിടിച്ചിലും: കേരളത്തിലേക്കുള്ള അടക്കം ട്രെയിൻ സർവീസുകൾ ഭാഗികമായി റദ്ദാക്കി
ഷീബ വിജയൻ
കർണാടകയിൽ കനത്ത മഴയെത്തുടർന്ന് എടകുമാരിക്കും ശ്രീവഗിലുവിനും ഇടയിലുള്ള റെയിൽവേ ട്രാക്കിലേക്ക് മണ്ണിടിച്ചിലുണ്ടായതിനെ തുടർന്ന് റെയിൽ ഗതാഗതം തടസ്സപ്പെട്ടു. ഞായറാഴ്ച മംഗളൂരുവിനും യശ്വന്ത്പൂരിനും ഇടയിലുള്ള ട്രെയിൻ സർവീസുകൾ പൂർണ്ണമായും റദ്ദാക്കിയതായി അധികൃതർ അറിയിച്ചു. കനത്ത മഴ തുടരുന്നത് രക്ഷാപ്രവർത്തനങ്ങൾക്ക് തടസ്സം സൃഷ്ടിക്കുന്നുണ്ട്. മംഗളൂരു ജങ്ഷൻ - യശ്വന്ത്പൂർ എക്സ്പ്രസ്, യശ്വന്ത്പൂർ - മംഗളൂരു ജങ്ഷൻ എക്സ്പ്രസ് എന്നീ ട്രെയിനുകൾ പൂർണമായി റദ്ദാക്കി. എസ്.എം.വി.ടി ബംഗളൂരു - മുരുശ്വർ എക്സ്പ്രസ് ഹസനിൽ സർവീസ് അവസാനിപ്പിച്ചു. കൂടാതെ കെ.എസ്.ആർ ബംഗളൂരു - കോഴിക്കോട് എക്സ്പ്രസ് ഹസനിൽ വെച്ച് സർവീസ് ചുരുക്കുകയും ഹസൻ - കോഴിക്കോട് റൂട്ടിലെ സർവീസ് ഭാഗികമായി റദ്ദാക്കുകയും ചെയ്തു.
cdcdcdx
