'ഓപ്പറേഷൻ സിന്ദൂറിൽ' വൻ വിജയം; റഷ്യയിൽ നിന്ന് കൂടുതൽ എസ്-400 മിസൈൽ സംവിധാനങ്ങൾ വാങ്ങാൻ ഇന്ത്യ
ഷീബ വിജയൻ
കഴിഞ്ഞവർഷം പാകിസ്താനെതിരെ നടന്ന 'ഓപ്പറേഷൻ സിന്ദൂറി'ൽ കൈവരിച്ച വൻ വിജയത്തിന് പിന്നാലെ, റഷ്യയിൽ നിന്ന് കൂടുതൽ 'എസ്-400 ട്രയംഫ്' വ്യോമപ്രതിരോധ സംവിധാനങ്ങൾ വാങ്ങാൻ ഇന്ത്യ ചർച്ചകൾ ആരംഭിച്ചു. 2018-ലെ കരാർ പ്രകാരമുള്ള അഞ്ച് റീജുമെന്റുകൾക്ക് പുറമെ, അധികമായി അഞ്ച് എസ്-400 റീജുമെന്റ് സംവിധാനങ്ങൾ കൂടി സംഭരിക്കുന്നതിനുള്ള പദ്ധതികൾക്ക് ഇന്ത്യയുടെ ഡിഫൻസ് അക്വിസിഷൻ കൗൺസിൽ അംഗീകാരം നൽകി. പഴയ കരാറിലെ ആദ്യത്തെ മൂന്ന് സംവിധാനങ്ങൾ 2023ഓടെ ഇന്ത്യ കൈപ്പറ്റുകയും അവ അതിർത്തികളിൽ വിന്യസിക്കുകയും ചെയ്തിരുന്നു. റഷ്യ-യുക്രെയ്ൻ യുദ്ധം കാരണം വൈകിയ ബാക്കി രണ്ട് സംവിധാനങ്ങളിൽ നാലാമത്തേത് ഈ മാസവും അഞ്ചാമത്തേത് നവംബറിലും ഇന്ത്യയിലെത്തും. ഇന്ത്യയിൽ 'സുദർശന ചക്ര' എന്നറിയപ്പെടുന്ന ഈ അത്യാധുനിക ദീർഘദൂര വ്യോമപ്രതിരോധ സംവിധാനം പാകിസ്താൻ, ചൈന ഭീഷണികളെ പ്രതിരോധിക്കാൻ നിർണ്ണായക പങ്കാണ് വഹിക്കുന്നത്. ഈ ചർച്ചകൾക്ക് പുറമെ, ഫ്രാൻസിൽ നിന്ന് ഇന്ത്യൻ വ്യോമസേനയ്ക്കായി 114 ദസ്സാൾട്ട് റാഫേൽ യുദ്ധവിമാനങ്ങൾ വാങ്ങുന്നതിനുള്ള നിർണ്ണായക പ്രതിരോധ കരാറിലേക്കും ഇന്ത്യ അടുക്കുകയാണ്.
ffvdsfvdscsad
