സെപ്റ്റംബർ 28 മുതൽ ബാങ്ക് പണിമുടക്ക്: ഞായറാഴ്ച ബാങ്കുകൾ പ്രവർത്തിക്കുമെന്ന് കേന്ദ്ര സർക്കാർ
ശാരിക
സെപ്റ്റംബർ 28 മുതൽ 30 വരെ നടക്കാനിരിക്കുന്ന മൂന്ന് ദിവസത്തെ ദേശീയ ബാങ്ക് പണിമുടക്കിന്റെ പശ്ചാത്തലത്തിൽ, പൊതുമേഖലാ ബാങ്കുകളും റീജ്യണൽ റൂറൽ ബാങ്കുകളും സെപ്റ്റംബർ 27 ഞായറാഴ്ച സാധാരണ പോലെ പ്രവർത്തിക്കുമെന്ന് കേന്ദ്ര സർക്കാർ അറിയിച്ചു. സെപ്റ്റംബർ 26 (നാലാം ശനി), 27 (ഞായർ) എന്നീ വാരാന്ത്യ അവധികൾക്ക് തൊട്ടുപിന്നാലെ പണിമുടക്ക് വരുന്നതിനാൽ ബാങ്കിങ് സേവനങ്ങൾ തുടർച്ചയായി തടസ്സപ്പെടുന്നത് ഒഴിവാക്കാനാണ് ഈ തീരുമാനം.
പൊതുജനങ്ങളുടെ അത്യാവശ്യ ഇടപാടുകൾ നടത്തുന്നതിനായി ബാങ്ക് ബ്രാഞ്ചുകൾ, ഓഫീസുകൾ, എടിഎം ലിങ്ക്ഡ് ബ്രാഞ്ചുകൾ, കറൻസി ചെസ്റ്റുകൾ എന്നിവ സെപ്റ്റംബർ 27-ന് പൂർണ്ണമായി തുറന്നു പ്രവർത്തിക്കാൻ റിസർവ് ബാങ്ക് ഓഫ് ഇന്ത്യ (ആർബിഐ) അനുമതി നൽകിയിട്ടുണ്ട്.
ആഴ്ചയിൽ അഞ്ച് ദിവസത്തെ പ്രവൃത്തിദിനം നടപ്പിലാക്കുക, പെൻഷൻ പരിഷ്കരണം, പഴയ പെൻഷൻ പദ്ധതി പുനഃസ്ഥാപിക്കുക തുടങ്ങിയ ആവശ്യങ്ങൾ ഉന്നയിച്ചാണ് യുണൈറ്റഡ് ഫോറം ഓഫ് ബാങ്ക് യൂണിയൻസിന്റെ (UFBU) നേതൃത്വത്തിൽ പണിമുടക്ക് പ്രഖ്യാപിച്ചിരിക്കുന്നത്. ലേബർ കമ്മീഷണറുടെ നേതൃത്വത്തിൽ നടന്ന അനുരഞ്ജന ചർച്ച പരാജയപ്പെട്ടതിനെ തുടർന്നാണ് യൂണിയനുകൾ പണിമുടക്കുമായി മുന്നോട്ട് പോകുന്നത്.
sdasdf
