പൊന്നിനേക്കാൾ തിളങ്ങി വെള്ളി; കിലോഗ്രാമിന് രണ്ട് ലക്ഷം രൂപ കടന്നു, നിക്ഷേപകർക്ക് 120% റെക്കോർഡ് ലാഭം
ഷീബ വിജയ൯
മുംബൈ: വിപണിയിൽ 'പാവപ്പെട്ടവന്റെ സ്വർണം' എന്നറിയപ്പെടുന്ന വെള്ളി, പൊന്നിനേക്കാൾ തിളങ്ങുകയാണ്. ആഗോള, ആഭ്യന്തര വിപണികളിൽ ഡിമാൻഡ് കുതിച്ചുയർന്നതോടെ വെള്ളി വില പുതിയ റെക്കോർഡ് കുറിച്ചു. യു.എസ്. ഫെഡറൽ റിസർവ് പലിശ നിരക്ക് കുറച്ചതിനേക്കാൾ ഭൗതിക രൂപത്തിലുള്ള വെള്ളിയുടെ ക്ഷാമമാണ് വില കുതിച്ചുയരാൻ കാരണം.രാജ്യത്തെ മൾട്ടി കമ്മോഡിറ്റി എക്സ്ചേഞ്ചിൽ സിൽവർ ഫ്യൂച്ചേഴ്സ് വില കിലോഗ്രാമിന് രണ്ട് ലക്ഷം രൂപ കടന്നു. സിൽവർ ഫ്യൂച്ചേഴ്സ് വില ഔൺസിന് $64.20$ ഡോളറാണ് രേഖപ്പെടുത്തിയത്. വില സർവകാല റെക്കോർഡ് തിരുത്തിയതോടെ ഈ വർഷം നിക്ഷേപകർക്ക് വെള്ളി 120 ശതമാനം ലാഭം നൽകി. 1979-ന് ശേഷം ആദ്യമായാണ് വെള്ളി 100 ശതമാനത്തിലേറെ റിട്ടേൺ നൽകുന്നത്. അതേസമയം, സ്വർണം ഈ വർഷം നിക്ഷേപകർക്ക് നൽകിയത് 64 ശതമാനം ലാഭം മാത്രമാണ്.വെള്ളിയുടെ ഡിമാൻഡിന് കാരണം അതിൻ്റെ വ്യാവസായിക പ്രാധാന്യമാണ്. സോളാർ മേഖലയിലും വൈദ്യുതി വാഹനങ്ങളുടെ നിർമാണത്തിലും എ.ഐ.യുടെയും മൊബൈൽ ഫോണുകളുടെയുമൊക്കെ രംഗത്ത് വെള്ളി അത്യാവശ്യ ഘടകമാണ്. ഡിമാൻഡ് കൂടുമ്പോഴും ഉൽപാദനം പരിമിതമായി തുടരുന്നതാണ് നിക്ഷേപകരെ ആകർഷിക്കുന്നത്. തുടർച്ചയായ അഞ്ചാം വർഷമാണ് അന്താരാഷ്ട്ര വിപണിയിൽ ഫിസിക്കൽ വെള്ളിക്ക് ക്ഷാമം നേരിടുന്നത്.
asadssadsa
