ഡെലിവറി ഡ്രൈവറെ മർദ്ദിച്ച് പല്ല് കൊഴിച്ച ബഹ്റൈനി യുവാവിന് ഒരു വർഷം തടവ്
പ്രദീപ് പുറവങ്കര I ബഹ്റൈൻ:
മനാമ: ട്രാഫിക് തർക്കത്തിനിടെ ഡെലിവറി ഡ്രൈവറെ ക്രൂരമായി മർദ്ദിച്ച 32 വയസ്സുകാരനായ ബഹ്റൈനി യുവാവിന് ഹൈ ക്രിമിനൽ കോടതി ഒരു വർഷം തടവ് ശിക്ഷ വിധിച്ചു. മർദ്ദനമേറ്റ 20 വയസ്സുകാരനായ പാകിസ്ഥാനി യുവാവിന്റെ രണ്ട് പല്ലുകൾ കൊഴിയുകയും മൂന്ന് ശതമാനം സ്ഥിരമായ ശാരീരിക വൈകല്യം സംഭവിക്കുകയും ചെയ്ത സാഹചര്യത്തിലാണ് കോടതി കടുത്ത നടപടി സ്വീകരിച്ചത്. മർദ്ദനത്തിന് പുറമെ, ഡെലിവറി ഡ്രൈവർക്ക് നേരെ സുഗന്ധദ്രവ്യ കുപ്പികൾ എറിയുകയും ബൈക്കിന്റെ സൈഡ് മിറർ തകർക്കുകയും ചെയ്ത പ്രതി, അറ്റകുറ്റപ്പണികൾക്കായി 45 ബഹ്റൈനി ദിനാർ നഷ്ടപരിഹാരം നൽകണമെന്നും കോടതി ഉത്തരവിട്ടു.
തന്റെ കാറിന് മുന്നിൽ ബൈക്ക് നിർത്തിയതിനെ ചൊല്ലിയുണ്ടായ വാക്കുതർക്കമാണ് അക്രമത്തിൽ കലാശിച്ചത്. തർക്കത്തിനിടെ ഡ്രൈവർ ഹെൽമെറ്റ് കൊണ്ട് തന്നെ അടിക്കാൻ ശ്രമിച്ചപ്പോൾ സ്വയം പ്രതിരോധത്തിനായി തിരിച്ചടിക്കുകയായിരുന്നുവെന്ന് പ്രതിയും അഭിഭാഷകനും കോടതിയിൽ വാദിച്ചെങ്കിലും കൃത്യമായ തെളിവുകളുടെ അടിസ്ഥാനത്തിൽ കോടതി ഈ വാദം തള്ളി. മർദ്ദനമേറ്റ യുവാവ് ബോധരഹിതനായി വീണപ്പോൾ താൻ തന്നെയാണ് പോലീസിനെ വിവരം അറിയിച്ചതെന്ന് പ്രതി കോടതിയിൽ പറഞ്ഞു. മെഡിക്കൽ റിപ്പോർട്ടും മോട്ടോർ സൈക്കിളിനുണ്ടായ നാശനഷ്ടങ്ങളും പരിശോധിച്ച ശേഷമാണ് കോടതി ശിക്ഷാവിധി പ്രഖ്യാപിച്ചത്.
sdsdfsd
