പുതിയ ഇന്ത്യൻ സ്ഥാനപതിയുമായി കൂടികാഴ്ച്ച നടത്തി ഇന്ത്യൻ ക്ലബ് ബഹ്‌റൈൻ
പ്രദീപ് പുറവങ്കര
മനാമ: ബഹ്റൈനിലെ പുതിയ ഇന്ത്യൻ അംബാസഡറായി ഔദ്യോഗികമായി ചുമതലയേറ്റ എച്ച്.ഇ. ഡോ. പ്രദീപ് സിംഗ് രാജ്പുരോഹിതിന് ഇന്ത്യൻ ക്ലബ് ബഹ്‌റൈൻ എക്സിക്യൂട്ടീവ് കമ്മിറ്റി ഊഷ്മളമായ സ്വാഗതവും അഭിനന്ദനങ്ങളും അറിയിച്ചു.
പ്രവാസി സമൂഹവും എംബസിയും തമ്മിലുള്ള ബന്ധം കൂടുതൽ ദൃഢമാക്കുന്നതിന്റെ ഭാഗമായി ഇന്ത്യൻ ക്ലബ് ഭാരവാഹികൾ മനാമയിലെ ഇന്ത്യൻ എംബസിയിൽ വെച്ച് അംബാസഡറുമായി ഔദ്യോഗിക കൂടിക്കാഴ്ച നടത്തി. ഇന്ത്യയും ബഹ്‌റൈനും തമ്മിലുള്ള ദീർഘകാലത്തെ ഊഷ്മളമായ ഉഭയകക്ഷി ബന്ധത്തെക്കുറിച്ച് ചർച്ച ചെയ്ത സംഘം, പുതിയ അംബാസഡറുടെ ഔദ്യോഗിക കാലാവധി തികച്ചും വിജയകരവും ഫലപ്രദവുമാകട്ടെ എന്ന് ആശംസിച്ചു.
കൂടിക്കാഴ്ചയിൽ പ്രവാസി സമൂഹത്തിന്റെ ക്ഷേമത്തിനായി ഇന്ത്യൻ ക്ലബ് നടത്തിവരുന്ന വിവിധ പ്രവർത്തനങ്ങളെക്കുറിച്ച് ഭാരവാഹികൾ അംബാസഡറോട് വിശദീകരിച്ചു. ബഹ്റൈനിലെ ഇന്ത്യൻ പ്രവാസികൾ അഭിമുഖീകരിക്കുന്ന പ്രധാന വിഷയങ്ങൾ, ക്ലബ്ബിന്റെ അടിസ്ഥാന സൗകര്യ വികസനങ്ങൾ, പ്രവാസി സമൂഹത്തിന് കൂടുതൽ മെച്ചപ്പെട്ട സേവനങ്ങൾ നൽകുന്നതിനുള്ള ഭാവി പദ്ധതികൾ എന്നിവയും ചർച്ച ചെയ്തു.
sdsad
