വൃക്കരോഗികൾക്ക് കാരുണ്യത്തിന്റെ തൂവൽസ്പർശവുമായി "ആശ്രയ" ഡയാലിസിസ് പദ്ധതി
കുവൈറ്റ് സിറ്റി : കുവൈറ്റ് വയനാട് അസോസിയേഷനും ബത്തേരി എം.ഇ.എസ് കെ.എം.എച്.എം ആശുപത്രിയും ചേർന്ന് ജില്ലയിലെ ഏറ്റവും പാവപെട്ട വൃക്കരോഗികൾക്ക് സബ്സിഡി നിരക്കിൽ ഡയാലിസിസ് നൽകുക എന്ന ഉദ്ദേശത്തോടെ ആരംഭിച്ച ഈ പദ്ധതി 14 ഏപ്രിൽ 2018 ശനിയാഴ്ച്ച എം.ഇ.എസ് കെ.എം.എച്.എം ഹോസ്പിറ്റലിൽ വെച്ച്, കുവൈറ്റ് വയനാട് അസോസിയേഷൻ അംഗങ്ങളും അവരുടെ കുടുംബാംഗങ്ങളും ആശുപത്രി മാനേജ്മന്റ് പ്രതിനിധികളും, ആശുപത്രി ജീവനക്കാരും, പ്രമുഖ സാമൂഹ്യപ്രവർത്തകരും അടങ്ങിയ ചടങ്ങിൽ വെച്ച് ഉത്ഘാടനം ചെയ്തു പ്രവർത്തനമാരംഭിച്ചു.
കുവൈറ്റ് വയനാട് അസോസിയേഷൻ സെക്രട്ടറി ശ്രീ റെജി ചിറയത്ത് സ്വാഗതം ആശംസിച്ച ഉത്ഘാടനയോഗത്തിൽ MES ഗെവേർണിംഗ് കമ്മിറ്റി പ്രസിഡന്റ് ശ്രീ കക്കോടൻ മുഹമ്മദ് അധ്യക്ഷനായിരുന്നു .സ്വന്തം വൃക്ക മറ്റൊരു സമുദായത്തിലെ പാവപെട്ട വൃക്കരോഗിക്ക് നൽകി സ്വയം മാനവസ്നേഹത്തിന്റെ ഉദാത്തമാതൃകയായഡോ. ഫാ. ഷിബു കുറ്റിപറിച്ചെൽ ഉത്ഘാടനം നിർവഹിച്ചു.തന്റെ ഉത്ഘാടനപ്രസംഗത്തിൽ കുവൈറ്റ് വയനാട് അസോസിയേഷന്റ പ്രയത്നത്തെ പ്രശംസിച്ച അദ്ദേഹം മറ്റു സംഘടനകളും ഇതേ മാതൃക പിന്തുടരുമെന്ന പ്രത്യാശ പ്രകടിപ്പിച്ചു.
ആശംസകൾ അർപ്പിച്ചുകൊണ്ട് ശ്രീ റോയ് മാത്യു (കുവൈറ്റ് വയനാട് അസോസിയേഷൻ ആശ്രയ വയനാട് കൺവീനർ), പി.പി അയ്യൂബ് (ഹോസ്പിറ്റൽ മാനേജ്മന്റ് മുൻ മെമ്പർ), കെ.എം ഷബീർ അഹമ്മദ് (എം.ഇ.എസ് ഗവേർണിംഗ് ഡയറക്ടർ ബോർഡ് അംഗം), ശ്രീ പി.പി അബ്ദുൽ ഖാദർ (എം.ഇ.എസ് ഹോസ്പിറ്റൽ വൈസ് പ്രസിഡന്റ്), ശ്രീ എബി പോൾ (കുവൈറ്റ് വയനാട് അസോസിയേഷൻ അഡ്വൈസറി ബോർഡ് അംഗം, ഡോ. കെ.എം ജോൺ (എം.ഡി,മെഡിക്കൽ സൂപ്രണ്ടന്റ് എം.ഇ.എസ് ) ശ്രീമതി രാജമ്മ രാജപ്പൻ(റിട്ട.ലഫ്റ്റനന്റ്- ആർമി സർവീസ്), ഡോ. ജിതേന്ദ്രനാഥ് (സീനിയർ അനസ്തേഷ്യസ്റ്റ് ),രാജഗോപാൽ (സാമൂഹ്യ ജീവകാരുണ്യപ്രവർത്തകൻ), ജാനേഷ് (എം.ഇ.എസ് ഡയാലിസിസ് ചീഫ് ടെക്നിഷ്യൻ )എന്നിവർ സംസാരിച്ചു.
ചടങ്ങിൽ വെച്ച് സുൽത്താൻ ബത്തേരിയിലെ പ്രധാന ജീവകാരുണ്യ പ്രവർത്തകരിലൊരാളായ ശ്രീ രാജഗോപാലിന് അസോസിയേഷൻ സ്ഥാപക അംഗം ശ്രീ സിദ്ദിഖ് മൊമെന്റോ നൽകി ആദരിച്ചു. ശ്രീ കോണിക്കൽ ഖാദർ (മാനേജർ എം.ഇ.എസ്) ഏവർക്കും ഹൃദ്യമായ നന്ദി അറിയിച്ചതോടെ ലളിതമായ ഉത്ഘാടനച്ചടങ് പൂർത്തിയായി.