60 വയസ് കഴി­ഞ്ഞ അവി­ദഗ്ധ തൊ­ഴി­ലാ­ളി­കൾ­ക്ക് വി­സ പു­തു­ക്കു­ന്നത് കു­വൈ­ത്ത് നി­ർ‍­ത്തി­യേ­ക്കും


കുവൈറ്റ് സിറ്റി : 60 വയസ് കഴിഞ്ഞ 60 വയസ് കഴിഞ്ഞ അവിദഗ്ധ തൊഴിലാളികൾക്ക് വിസ പുതുക്കുന്നതും മറ്റൊന്നിലേക്ക് മാറ്റിയടിക്കുന്നതും കുവൈത്തിൽ നിർത്തിവെച്ചേക്കുമെന്ന് റിപ്പോർട്ട്. ഇത് സംബന്ധിച്ച് താമസകാര്യ വകുപ്പും മാൻപവർ അതോറിറ്റിയും തമ്മിൽ ധാരണയിലെത്തിയതായാണ് റിപ്പോർട്ട്. അതേസമയം ബിരുദധാരികൾക്കും തൊഴിൽ വൈദഗ്ധ്യമുള്ളവർക്കും 60 കഴിഞ്ഞാലും വിസ പുതുക്കി നൽകുമെന്നും മാൻപവർ അതോറിറ്റി വ്യക്തമാക്കി.

മാൻ പവർ അതോറിറ്റിയിലെ ഉന്നത വൃത്തങ്ങളെ ഉദ്ധരിച്ച് അൽ അൻബ പത്രമാണ് ഇക്കാര്യം റിപ്പോർട്ട് ചെയ്തിരിക്കുന്നത്. രാജ്യത്തെ അവിദഗ്ധ തൊഴിലാളികളിൽ ഭൂരിഭാഗവും സ്വകാര്യ മേഖലയിൽ കൺസ്ട്രക്ഷൻ ജോലികൾ ചെയ്യുന്നവരാണ്. പ്രായം കൂടുന്നതോടെ ഇത്തരം ജോലികൾ ചെയ്യാനുള്ള പ്രയാസം പരിഗണിച്ചാണ് ഇഖാമക്ക് പ്രായ പരിധിവെക്കാൻ അധികൃതർ ആലോചിക്കുന്നത്.  

പ്രായപരിധി നിയമം പൊതുമേഖലയിലും സ്വകാര്യമേഖലയിലും ഒരുപോലെ ബാധകമാക്കാനുള്ള താമസകാര്യ വകുപ്പിന്റെ നീക്കത്തിനു മാൻപവർ അതോറിറ്റി പിന്തുണ അറിയിച്ചിട്ടുണ്ട്. അതേസമയം ബിരുദധാരികൾക്കും വിദഗ്ദ്ധജോലിക്കാർക്കും 60 വയസ്സ് കഴിഞ്ഞതിന് ശേഷവും വിസ പുതുക്കുന്നതിനോ ഇഖാമ മാറ്റുന്നതിനോ യാതൊരു തടസ്സവുമുണ്ടാകില്ല. 

അറുപതിനു മുകളിൽ പ്രായമുള്ള നിരവധി പേർ കഫ്റ്റീരിയ ഗ്രോസറി തുടങ്ങിയ മേഖലകളിൽ ജോലിയെടുക്കുന്നുണ്ട്. ഇവരിൽ തന്നെ മലയാളികളുൾപ്പെടെ ഇന്ത്യക്കാരാണ് കൂടുതലായും ഉള്ളത്. നിർമാണ മേഖലയിലും ഇന്ത്യക്കാരുടെ സജീവ സാന്നിധ്യമുണ്ട്. പ്രായക്കൂടുതൽ കാരണം വിസ പുതുക്കാൻ സാധിക്കാത്ത സാഹചര്യം വരിയാണെങ്കിൽ മലയാളികൾ ഉൾപ്പെടെ നിരവധി പ്രവാസികൾക്ക് നാട്ടിലേക്ക് മടങ്ങി വരേണ്ട സാഹചര്യം ഉണ്ടാകും.

You might also like

  • Bharth Cargo
  • Lulu Exchange
  • Straight Forward

Most Viewed