വസ്ത്രവ്യാപാരികളെന്ന വ്യാജേനയെത്തി ക്രൂരകൊലപാതകം; പത്ത് വർഷത്തിന് ശേഷം കുഞ്ഞാമിന വധക്കേസിലെ മുഖ്യപ്രതിക്ക് പൂട്ടുവീണു


ഷീബ വിജയൻ

കണ്ണൂർ: കേരളക്കരയിൽ ഏറെ കോളിളക്കം സൃഷ്ടിച്ച ഇരിക്കൂർ കുഞ്ഞാമിന വധക്കേസിലെ മുഖ്യപ്രതിയായ ഡൽഹി സ്വദേശി അബ്ബാസ് അലിയെ പത്ത് വർഷത്തിന് ശേഷം ക്രൈംബ്രാഞ്ച് ഡൽഹിയിൽ നിന്നും പിടികൂടി. ക്രൈംബ്രാഞ്ച് എസ്.പി. കെ.വി. വേണുഗോപാലിന്റെ മേൽനോട്ടത്തിൽ ഇൻസ്പെക്ടർ ശ്രീജിത്ത് കോടേരിയുടെ നേതൃത്വത്തിലുള്ള സംഘമാണ് പ്രതിയെ വലയിലാക്കിയത്. ഡൽഹിയിൽ വർഷങ്ങളായി ഒളിവിൽ കഴിഞ്ഞിരുന്ന പ്രതിയെ ക്രൈംബ്രാഞ്ച് സംഘം അതീവ സാഹസികമായ നീക്കത്തിലൂടെയാണ് അറസ്റ്റ് ചെയ്തത്.

2016 ഏപ്രിൽ 30-നാണ് കണ്ണൂർ ഇരിക്കൂർ സിദ്ദിഖ് നഗറിൽ മെരടൻ കുഞ്ഞാമിനയെ (60) സ്വന്തം വീട്ടിനുള്ളിൽ അതിക്രൂരമായി കൊലചെയ്യപ്പെട്ട നിലയിൽ കണ്ടെത്തിയത്. വസ്ത്രവ്യാപാരികളെന്ന വ്യാജേന സമീപത്തെ വാടകവീട്ടിൽ താമസിച്ചിരുന്ന പ്രതികൾ കുഞ്ഞാമിനയുമായി സൗഹൃദം സ്ഥാപിക്കുകയും, തുടർന്ന് സ്ക്രൂഡ്രൈവർ ഉൾപ്പെടെയുള്ള ആയുധങ്ങൾ ഉപയോഗിച്ച് കൊലപ്പെടുത്തുകയുമായിരുന്നു. കൊലപാതകത്തിന് ശേഷം കുഞ്ഞാമിന ധരിച്ചിരുന്ന പത്ത് പവനോളം സ്വർണാഭരണങ്ങളും പണവും കവർച്ച ചെയ്ത് പ്രതികൾ കടന്നുകളയുകയായിരുന്നു. ഈ കേസിൽ നേരത്തെ കൂട്ടാളികളായ ഡൽഹി സ്വദേശിനികളായ പർവീൺ ബാനു (55), സക്കീന ഫാത്തിമ (32) എന്നിവരെ ക്രൈംബ്രാഞ്ച് അറസ്റ്റ് ചെയ്തിരുന്നു.

article-image

efsfsdfdsfds

You might also like

  • Bharth Cargo
  • Lulu Exchange
  • Straight Forward

Most Viewed